Қыдырбеков атындағы көше (Алматы)

Көшеге көрнекті ғалым, геология ғылымдарының кандидаты, КСРО-ның мемлекеттік сыйлығының иегері Латиф Өмірбекұлы Қыдырбековтің есімі (Алматы қаласы мәслихатының 6.03.2008 № 83 шешімі мен Алматы қаласы әкімдігінің 14.03.2008 № 2/139 қаулысы) берілген. Қыдырбеков Латиф Өмірбекұлы (1931-1986) Ақмола облысы Қорғалжын ауданы Кеңбидайық ауылында дүниеге келген. Ол Ақтоғай, Айдарлы мыс кен орындары мен Ақбақай алтын кейін ашуға зор үлес қосқан. Қазақстан металлургиясында жаңа шикізат базасын құрғаны үшін КСРО-ның мемлекеттік сыйлығы берілген. Көше Әуезов ауданындағы «Қалқаман-2» шағынауданында орналасқан. Көшенін ұзындығы - 700 метр.