Қырықжігіт
Қырықжігіт | |
Қырықжігіт тауының қырқалары | |
Сипаттамасы | |
---|---|
Пайда болған кезеңі | |
Ұзындығы |
7 км |
Ені |
4 км |
Биіктігі |
1904 м |
Орналасуы | |
43°14′59″ с. е. 78°25′58″ ш. б. / 43.24972° с. е. 78.43278° ш. б. (G) (O) (Я)Координаттар: 43°14′59″ с. е. 78°25′58″ ш. б. / 43.24972° с. е. 78.43278° ш. б. (G) (O) (Я) | |
Елдер |
Орталық Азия, Қазақстан, Алматы облысы Кеген ауданы Алғабас ауылының солтүстік-батысында 11 км жер |
| |
|
Қырықжігіт – Жіңішке және Сарыбұлақ өзендерінің суайрығындағы тау.
Географиялық орны[өңдеу | қайнарын өңдеу]
Алматы облысы Кеген ауданы Алғабас ауылының солтүстік-батысында 11 км жерде орналасқан. Абсолюттік биіктігі 1904 м. Солтүстік-шығыстан оңтүстік-батысқа қарай 7 км-ге созылған, енді жері 4 км.
Геологиялық құрылымы[өңдеу | қайнарын өңдеу]
Силур мен девонның құмтастарынан және палеозойдың эффузивтік шөгінді жыныстарынан түзілген. Гранит те кездеседі.
Сипаты[өңдеу | қайнарын өңдеу]
Тік жарқабақты солтүстік беткейі өзен арналарымен қатты тілімделген. Оңтүстік бөлігі көлбеуленіп жонды белестерге ұласады. Солтүстігінде Алабайтал, солтүстік-шығысында Торыайғыр, батысында Жамбас, оңтүстік-батысында Бақалы таулары орналасқан.
Өсімдігі[өңдеу | қайнарын өңдеу]
Етектерінде жусан, бетеге, көде, беткейлерінде арпабас, бидайық, өзен арналарында жабайы алма ағашы, көктерек, итмұрын, т.б. өседі.[1]
Дереккөздер[өңдеу | қайнарын өңдеу]
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5