Құдси хадис

Уикипедия — ашық энциклопедиясынан алынған мәлімет
Навигацияға өту Іздеуге өту
Хадис
Хадис
(حديث)

Islamic text

Құдси хадис (араб.: الحديث القدسي‎) деп Исламда Мұхаммед пайғамбардан ﷺ емес, ол арқылы тікелей Аллаһтан жеткен деп саналатын хадис түрі. Яғни бұл хадистердегі сөздерді Аллаһ айтып, оны Жәбірейіл періште Мұхаммед пайғамбарға ﷺ жеткізген. Осылай құдси хадистер Құранның аяттары секілді Аллаһ түсірген уахидың бір бөлігі болды, бірақ олар Құранға кірмей, оның аяттары қатарлы саналмайды. Хадис қудсилерге сену үшін басқа хадистер секілді оның сенімділігін (яғни сахих немесе хасан екенін) анықтау керек, ал Құран аяттары олай тексерілмейді. Қудси хадистерді намаз ішінде сүрелер секілді оқуға болмайды. Кейбір ғалымдардың ойынша Құранды дәрет алмаған адамға ұстауға болмайды, ал қудси хадистерде ондай тыйым жоқ.

Құдси хадистердің саны басқа хадистерге қарағанда азырақ және олар көбінесе мутауатир емес, ахад хадис болып келеді. Бұндай хадистердің бар-жоғы жүз данасы белгілі. Кей мухаддис-ғалымдар тек құдси хадистер жиналған жинақтар жазған. Мысалға: Абдуррауф әл-Мунауидің «әл-Итхафат әс-Сәния бил-Ахадис әл-Қудсия» жинағы[1].

Дереккөздер[өңдеу | қайнарын өңдеу]

  1. «Исламский энциклопедический словарь» А. Али-заде, Ансар, 2007 ж.

Тағы қараңыз[өңдеу | қайнарын өңдеу]