Әлима Жақыпқызы Әбдіхалықова

Әлима Жақыпқызы Әбдіхалықова
Туған күні	16 мамыр 1952 (1952-05-16) (71 жас)
Туған жері	Қызылорда облысы Қазалы ауданы
Азаматтығы	Қазақстан
Ғылыми аясы	педагогика
Жұмыс орны	Мәншүк Мәметова атындағы Қызылорда гуманитарлық колледжінің директоры (1980 жылдан)
Ғылыми дәрежесі	Педагогика ғылымдарының кандидаты
Альма-матер	Абай атындағы Қазақ Ұлттық педагогикалық университеті
Марапаттары	Қазақстанның еңбек сіңірген қайраткері

Әлима Жақыпқызы Әбдіхалықова (1952 жылы 16 мамырда Қызылорда облысы Қазалы ауданында туған) — мұғалім, Педагогика ғылымдарының кандидаты. Қазақстанның еңбек сіңірген қайраткері. Қазақстан Білім Беру ісінің Құрметті қызыметкері. Қызылорда облысының құрметті азаматы (2014).

Толығырақ

• Әлима Жақыпқызы 1952 жылы 16 мамырда Қызылорда облысы Қазалы ауданында дүниеге келген.
• Абай атындағы Қазақ Ұлттық педагогикалық университетін бітірген.
• 1991 - 2010 жылдары Мәншүк Мәметова атындағы Қызылорда гуманитарлық колледж базасында құрылған республикалық оқу-әдістемелік бірлестік төрайымы болып қызмет атқарды.
• 1991 жылдан Қызылорда облыстық әйелдер кеңесінің мүшесі.
• 1999 - 2003 жылдары және 2007 жылдан бастап Қызылорда облыстық "Нұр Отан" партиясынан мәслихат депутаты.
• 1980 жылдан Мәншүк Мәметова атындағы Қызылорда гуманитарлық колледжінің директоры.

Ғылыми шығармашылығы

• Әлима Жақыпқызы білікті басшы, талантты ұйымдастырушы ретіндегі өзінің бай тәжірибесін республика көлемінде ғана емес, халықаралық ауқымда да талқыға салып, іс-тәжірибесін бөлісіп отырды.
• 2005 жылы сәуір айында “Білім беру жүйесінде адам ресурстарын дамытуды басқарудың қазіргі тенденциялары” тақырыбында өткен халықаралық ғылыми-практикалық конференцияда “Жаңа педагогикалық технологиялар” тақырыбында;
• 2005 жылы қазан айында Алматы қаласы, РИПК СО базасында “Мектеп информатикасы: іс-тәжірибе, проблемалар және келешегі” тақырыбында өткен халықаралық ғылыми-практикалық конференцияда “Ақпараттандыру перспективалары: бастауыш мектепке оқытудың ақпараттық-компьютерлік технологияларын ендіру” атты баяндама;
• 2005 жылы “Біліктілікті арттыру жүйесі және ХХІ ғасыр білімі” тақырыбында өткен халықаралық ғылыми-практикалық конференцияда “Мұғалімнің кәсіптік құзырлылық сапасын қалыптастыру” атты баяндамалар жасады.
• 2006 жылы қазан айында “Ақпараттық технологиялар” бойынша Корея мемлекетінде “ICT Training Program” бағдарламасы бойынша барып қайтты.
• 2007 жылы наурыз айында Астана қаласында ҚР білім және ғылым министрлігі ұйымдастырған «Мемлекеттік тіл – елдігіміздің алтын тұғыры» атты көрмеге республикадағы 4 колледждің бірі болып қатысып, алғыс хатқа ие болды.
• 2007 жылы сәуір айында Алматы қаласында өтетін “Мектепке дейінгі және бастауыш білім беру: қазіргі жағдайы, тенденциялары және даму мәселелері” тақырыбындағы халықаралық ғылыми-практикалық конференцияға шақыру алды.
• 2008 жылы сәуір айында өткізілген Қызылорда қаласында «Қазақстан Республикасында ақпараттық-коммуникациялық технологияларды кәсіптік лицейлер мен колледждерге енгізу және оқытушыларды инновациялық әдістерге оқыту» тақырыбындағы халықаралық семинарға қатысты. Рогаланд (РКК, Норвегия ) Кәсіптік даярлық пен оқыту Орталығының «ҚР-да кәсіптік білімді дамыту, техникалық және қызмет көрсету жоғары білікті мамандарын даярлау мен қайта даярлауға ықпал ету» біріккен жобасымен жұмыс жасауда.
• 2009 жылы қаңтар айында Норвегияның РКК қоғамының шақыруы бойынша «Норвегия елінің кәсіби білім жүйесінің дамуымен танысу және тәжірибе алмасу мақсатында біліктілік көтеру іссапарында болды.
• 2010 жылы қаңтар айында Германияның InWent қоғамының шақыруы бойынша «Орта арнайы оқу орындарын басқару және менеджмент» атты біліктілік арттыру курсында дәріс алды.
• Әлима Жақыпқыз Оқу-әдістемелік бірлестікте 4 мамандық бойынша білім берудің мемлекеттік стандарттары мен 123 типтік оқу бағдарламалары жасалып, ҚР Білім және ғылым министрлігінде бекітілді.

Марапаттары

• «Қазақ ССР халық ағарту ісінің озық қызметкері» құрметті атағы
• Ыбырай Алтынсарин атындағы құрметті төсбелгі
• ҚР Білім беру ісінің үздігі
• Қазақстан Білім Беру ісінің Құрметті қызыметкері
• 2001 жылы Елбасының жарлығымен "Ерен еңбегі үшін медалі" берілді
• 2005 жылы "Қазақстан Республикасы Конститутциясына 10 жыл" мерекелік медалі
• 2008 жылы "Астанаға 10 жыл" мерекелік медалі
• Елбасының жарлығымен жоғарғы мемлекеттік награда "Қазақстанның еңбек сіңірген қайраткері" құрметті атағымен марапатталған
• Педагогика ғылымдарының кандидаты (құрметті ғылыми атағы)
• 2014 жылы Қызылорда облысының құрметті азаматы құрметті атағы берілді.
• Еңбек ардагері медалінің иегері
• 2016 жылы "ҚР Тәуелсіздігне 25 жыл" медалі