IELTS

IELTS (ағылш. International English Language Testing System ағылшын тілінің халықаралық тестілеу жүйесі) — ана тілі ағылшын тілі еместердің (non-native English speaker) тіл білу деңгейін тексеруге мұрсат беретін емтихан.

IELTS тестінің сертификаты — Ұлыбритания, Канада, Австралия, Жаңа Зеландия мемлекеттеріне көшу үшін құжаттарын тапсырғалы жүрген адамдарға әрі канадалық, австралиялық, британиялық және ирландиялық университеттерінде жоғарғы білім алғысы келген студенттерге қажет. Сонымен қатар АҚШ-тың 3000-нан астам білім институты да қабылдайды. Қазақстан университеттеріне магистр дәрежесін алуға емтиханда IELTS нәтижелері қабылданады.

Әдістемесі

IELTS тестінің екі түрі бар: Academic (оқытылу тілі ағылшын болатын жоғарғы оқу орындарында оқығысы келгендерге арналған) және General Тraining (жоғарыда аталған елдерге көшетін адамдарға арналған).

Academic тесттің General Тraining тестінен басты ерекшелігі – Оқылым (Reading section) мен Жазылым (Writing section) бөлімдерінің күрделіліктің көтеріңкі деңгейі.

IELTS тестінің нәтижелері жазылған сертификат, алынған күннен бастап екі жылға дейін жарамды болады.

Құрылымы

IELTS 4 бөлімнен тұрады және келесі ретпен тапсырылады: Listening, Reading, Writing, Speaking.

Listening — бұл ағылшын тілін есту қабілетіне арналған тестілеу жүйесі. IELTS тыңдаудың жалпы ұзақтығы: 40 минут Тестілеуді бастамас бұрын үміткер тапсырмалары бар буклет алады емтихан парағы. Тыңдау 40 сұрақтан тұрады, олар қарапайымнан күрделіге дейінгі принцип бойынша төрт бөлімге бөлінеді. Тесттің алғашқы 30 минутында сұрақтарды оқып, аудиожазбаны тыңдап, жауаптарды тапсырмалар кітапшасына жазу керек. Ақпарат тек бір рет тыңдау үшін беріледі. Жауаптарды буклеттен емтихан парағына ауыстыру үшін қосымша 10 минут беріледі. Тыңдау академиялық IELTS үшін де, жалпы үшін де бірдей.

Reading – ұзақтығы 1 сағат. 3 мәтінді оқып оларға байланысты сұрақтарға жауап беру.

Writing — ұзақтығы 1 сағат. Task One(Бірінші тапсырма). Academic: Диаграммa немесе кестені 150 сөзбен суреттеу. General: Хат жазу. Task Two(Екінші тапсырма). Берілген тақырыпқа 250 сөзбен эссе жазу

Speaking — ұзақтығы 11-14 минут. Бұл бөлімде тапсырушы тексерушімен сұхбаттасады. Сұхбат толығымен диктафонға жазылады, сондықтан аппеляцияға беруге тапсырушының толық құқығы бар.

Бағалау жүйесі

Бағалау жүйесі 0–ден 9.0-ға дейін.

9.0: Сарапшы

Тілді толығымен түсінеді, қолдана алады, өз ойын нақты білдіреді.

8.0: Өте жақсы қолданушы

Кейбір дәлсіздіктерді санамағанда, тілді толығымен қолданады. Кей жағдайларда түсініспеушілік тууы мүмкін. Ол ойын аргументтермен түсіндіре алады.

7.0: Жақсы қолданушы

Кейбір түсініспеушіліктерді санамағанда, тілді жақсы қолданады. Жалпы айтқанда, тіл білімін және ойын түсіндіріп жеткізе алады.

6.0: Білікті қолданушы

Жалпы тілді жақсы біледі, бірақ қателіктер жібереді. Тіл білімін үйреншікті жағдайларда көрсете алады.

5.0: Орташа қолданушы

Тіл білімі — шектеулі, түсіндіре алады, бірақ қате көп жібереді.

4.0: Шектелген қолданушы

Негізгі тіл білімі бар, бірақ ол үйреншікті жағдайлармен шектеледі. Қиын тіл конструкцияларын қолдана алмайды.

3.0: Аса шектелген қолданушы

Өте үйреншікті жағдайлар аясында ғана шамалы деңгейдегі тіл білімін көрсете алады.

2.0: Көптеген қиыншылығы бар қолданушы

Шын мәнісінде қарым-қатынасу мүмкін емес. Өте үйреншікті сирек жағдайларда ғана жеке сөздер мен өте жeңіл конструкцияларды қолданып ойын білдіреді.

1.0: Тілді қолдана алмайды

Жеке сөздерден басқа тіл білімін мүлдем көрсете алмайды.

0: Тесті өтуге тырысқан жоқ

Бағалауға ешбір ақпарат берген жоқ (жауап парағы бос).

Айлакерлік

1. Гургаон, Үндістан. Қазан, 2009ж.

2. Перт, Батыс Аустралия. Маусым, 2010ж.

Емтихан нәтижелері

2007 жылғы нәтижелер бойынша Academic IELTS емтиханын ең жақсы тапсырған мемлекеттер тізімі:

Білім алуға арналған IELTS талаптары

Емтихан үміткерлерінің 51%-ы шетелде жоғарғы білім алу үшін тапсырады. Емтихан талаптары жоғарғы оқу орнына және таңдалған мамандыққа байланысты өзгеріп тұрады. Жалпылай алғанда, ағылшын тілді мемлекеттер үміткерлерден өте жоғары нәтижелерді күтеді.

Америка Құрама Штаттары

Ең жоғарғы талап 8,5 ұпай. Бұл Колумбиялық университетінің журналистика мектебіне түсушілерге қойылған талап. Морица Мемлекеттік университетінің Заңгерлік колледжіне түсу үшін емтихан нәтижесі 8,0 ұпайдан кем болмауы тиіс.

Ұлыбритания

Ең жоғарғы талап – 8,0 ұпай. Бұл Варвик университетінің маркетинг факультетінде докторлық дәрежеге оқуға түсудің ең төменгі шегі. Қалған университеттер 5,5-7,5 ұпай аралықта қабылдай береді.

Германия

Жоғарғы оқу орындарының көбісі 6,0 ұпайын талап етеді.

Италия

Жоғарғы оқу орындарының көбісі 7,0 ұпайын талап етеді.

Қазақстан

Назарбаев Университетінде ең төменгі талап 5,5 ұпай, медицина мектебінде. Докторантураға түсу үшін ең төменгі 5,5 ұпайды Academic IELTS емтиханынан жинау талап етіледі.