OTAU TV

Уикипедия — ашық энциклопедиясынан алынған мәлімет
Jump to navigation Jump to search
«OTAU TV»
Otautv logo.jpg
Саласы Телерадиохабарларды жерсерік арқылы тарату
Иесі Қазтелерадио АҚ.
Елі Қазақстан Қазақстан
Қолданылуы 2010
Қатысты белгілер Katelco Plus
Нарықтары Қазақстан Қазақстан
Ұраны Отандық телевизияның жаңа дәуірі
Веб-торабы otautv.kz

«OTAU TV» («Отау ТД») — теледидарлама мен радио хабарын эфир және жерсерік арқылы тарату жөніндегі Қазақстан Республикасының ұлттық операторына — «Қазтелерадио» АҚ қарасты сауда белгісі. Бұл атау Intelsat 904, 60° E жерсерігі арқылы «Жерсеріктік телерадиохабар тарату ұлттық қызметінің» теледидарлама мен радио арналар дестесі үшін пайдаланылады.

Атауы[өңдеу]

2010 ж. желтоқсан айынан тікелей жерсеріктік хабар тарату қызметі «OTAU TV» («Отау ТД») атауына ие болды[1].



OTAU TV логосы. 2010 жыл.



Тарихы[өңдеу]

DigiCipher 2 / MPEG-2 стандарттарында қызмет көрсетуі[өңдеу]

DVB-S2 / MPEG-4 / 8PSK стандарттарына көшу[өңдеу]

Даму жоспарлары[өңдеу]

KazSat-2, 86,5°E 2011 жылғы жазында ұшырлып іске қосылғанда, сондағы төрт теледидарлық (көтеріңкі қуатты) транспондерге теледидарлама мен радио хабарын тікелей тарату ұлттық желісін көшіруі қарастырылуда.

Желінің беріктігін көтеру үшін Астана қаласында сақтық қабылдау-тарату жерсеріктік стансасын құру жоспарланған. Қазақстандық мазмұнын үлкейту жобасына сай, отандық DVB-S2/MPEG-4 қабылдағыштарды өндіру істері жасалынып жатыр.

Хабар тарату ұлттық желісінің жазылушыларының санын анағұрлым көбейту болжамында 2011—2014 жылдар арасында 300—350 мың қоңдырғы, басқаша айтқанда 6,3 мыңнан 54 есе өсу[2][3]

Хабар тарату[өңдеу]

Хабар тарату параметрлері[өңдеу]

2011 ж. наурыздың 6 жағдайы бойынша[4][5]:

Жерсерігі Транс-
пондері
Телепорты Жиілігі, GHz /
Полярлануы
Жылдамдығы,
бод
FEC Стандарты PSK Сығыстыруы Шифрлау
Intelsat 904 @ 60°E Spot2 tp 75 «Алматы» 11555 H 30000 3/4 DVB-S2 8PSK MPEG-4 VideoGuard
Intelsat 904 @ 60°E Spot2 tp 76 «Алматы» 11595 H 29270 5/6 DigiCipher 2 QPSK MPEG-2
Intelsat 904 @ 60°E Spot2 tp 77 «Астана» 11635 H 30000 3/4 DVB-S2 8PSK MPEG-4 VideoGuard
Intelsat 904 @ 60°E Spot2 tp 78 «Орал» 11675 H 30000 3/4 DVB-S2 8PSK MPEG-4 VideoGuard

Шартты қатынау жүйесі[өңдеу]

Авторлық және сабақтас құқықтарды ұстану үшін және ақылы дестеге қатынауды жабу үшін, сонымен қатар заңсыз қайта таратудан аман болу үшін, барлық арналар (соның ішінде отандықтар да) NDS VideoGuard Express шартты қатынау жүйесі арқылы кодталады[6], бұл күйде қатынау смарт-картасы қабылдағыштың теңдессіз электронды нөміріне байластырылады.

Жүйеде мазмұнды кооперативті шифрлау үшін DVB SimulCrypt архитектурасы қолданылады, бұл бірнеше операторларға бір шифрлау алгоритмін пайдлаланып әртүрлі шартты қатынау жүйелерін қосуға мүмкіндік береді .

Ұсынылған қабылдау жабдықтамасы[өңдеу]

Қабылдау жабдықтамасына ең төменгі талаптары бойынша[7] қабылдағыштарда ISO 7816 стандартына сай смарт-карта интерфейсі (слоты) болуы жөн. Қабылдағыштың қазақша, орысша және ағылшынша мәзірлері болуы қажет, сонымен қатар осы тілдердегі пайдалану жөніндегі нұсқаулар болуы жөн. Бағдарламалық жасақтаманың жаңартылуы жерсерік арқылы Over-the-Air Download (OtAD) режімінде өтеді. Егжей-тегжей талаптар «Казтелерадио» торабындағы спецификацияларда жарияланған[8]

HDTV-қабылдағыш спецификацияларында Full HD сай 1920 × 1080i ажыратылымдық талаптары, HDCP хаттамасы қолдауымен HDMI порты болуы т.б. талаптар бар[9]. Сонымен бірге, NDS VideoGuard Express шартты қатынау жүйесімен ықпалданған CI+ интерфейсті CAM модулдері пайдаланылуы мүмкін.

Конвертері (аз шуылы күшейткіш, АШК) кіріс жағынан сызықты полярлануы бар 10,7—11,7 / 11,7—12,75 GHz радиожиіліктер ауқымдарында жұміс істейтін болу керек. Оффсет түрі антенна айнасы ең кемінде 900 × 1000 mm көлемінде.

Барлық жабдықтамада шығарушы зауыты берген шығу тегі куәліктері және Қазақстан Респуликасының сәйкестік куәліктері болу қажет, ал қабылдағыштарда сонымен қоса «Казтелерадио» Акционерлік қоғамына тағайындалған NDS VideoGuard Express шартты қатынау жүйесі ықпалдану туралы авторландыру хаты болу жөн.

Ұлттық жерсеріктік хабар таратудың аймақтық жабуы[10] бойынша хабарларды аймақ ортасында ең кемінде 600 мм, аймақ шетінде 1200 мм дейін көлеміндегі айнасы бар Intelsat 904, 60°E жерсерігіне бағытталған антенналар кабылдайды.

Қызмет көрсетуі[өңдеу]

Қызметке алғаш жазылатын зейнеткерлер мен халықтың әлеуметтік қорғалмаған санаттары үшін, ғарыштық ТД құрылғыларының жинағын сатып алу үшін шығындар тиісті әкімдіктермен компенсацияланады.

Ғарыштық телерадио тарату қызметтерін көрсету келісімшартының шарттарына сәйкес абоненттерге (Қазақстан Республикасы) аумақпен ғана шектелген, абонент құрылғыны жария көрсету мақсатында қолдана алмайды.

Ағымдағы уақытта (2011 жылғы наурыз-сәуір) ғарыштық телерадио тарату қызметі заңды түрде "Қазақстандық телекоммуникациялар" АҚ атынан көрсетілуде. "Қазтелерадио" АҚ және "Қазақстандық телекоммуникациялар" АҚ біріктіру рәсімі аяқталғаннан соң, қызметтер "Қазтелерадио" АҚ атынан ұсынылатын болады.

Қабылдау құрылғыларын орнату және «OTAU TV» қызметтеріне қосылу авторластырылған диллерлер желісі арқылы жүргізіледі.

Арналары[өңдеу]

DVB-S2 «OTAU TV» дестелері[өңдеу]

Дестелер құрамы 2011 ж. наурыздың 18 бастап қолданудағы ресми тізімі[11] бойынша беріледі.

Дестелер тізбектемесі ауысуы мүмкін, бұл Қазақстан Республикасында телерадиохабарларын дамыту мәселесі жөніндегі комиссиясы[12] өткізетін отандық арналардың «ашық қатынау дестесіне»[13] қосылу бәйгесі нәтижелері бойынша, сондай-ақ мағлұматты пайдаланудың бағдарлама беруші шарттары бойынша атқарылады. «Ашық қатынау дестесі», құрамында 37 отандық телерадиоарналар бар, соның ішінде облыстықтар да, толығымен «Негізгі» дестесіне кіреді және жазылушыларға тегін. «Үнемді», «Қалыпты» және «Екшенді» дестелері ақылылық тұғырында «шартты қатынау дестелеріне» кіреді. Әр кейінгі дестеге алдыңғы дестенің арналары енгізіледі.

Жаңа арналарды таратуға арнап, сонымен қатар HDTV және 3DTV үшін, транспондерлер қорының бір бөлігі кейінге қалдырылған. 2011 жылында «ашық қатынау дестесіне» жаңадан құрылатын «Мәдениет» арнасы және тәулік бойы ақпарат беретін «Caspionet 24» арнасы кіреді, 2012 жылы — «Білім арнасы» кіреді; тағы да жаңа «Мәдениет радиосы» кіреді[14]. Отандық арналардың лицензиялық тазартылған халықаралық нұсқаларын қай мерзімде ашық таратылуы басталатын туралы еш ақпарат жоқ.

Дестелерден тыс арналар[өңдеу]

Дестелерден тыс «Инфоканал» арнасы тегін таратылады, бұл арна жазылушыларды хабардар ету және промо әрекеттерді ұйымдастыру үшін тағайындалған. Сонымен қатар бонус есебінде дестелерден тыс арналар уақытша таратылады.

HDTV арналар сынақ режімінде беріліп тұр. Қаныққан көрсету үшін HD Ready не Full HD белгілері бар теледидарды, Dolby Digital 5.1 дыбыс жүйесін және HD қабылдағышты пайдалану ұсынылады.

DigiCipher 2 «Қазақтелеком» дестесі[өңдеу]

Сыртқы арналар (ашық қатынау)[өңдеу]

Intelsat 904, 60°E жерсерігінің осы Spot2 сәулесі арқылы тағы басқа DVB-S не DVB-S2 (кодталмаған) арналарын қабылдауға болады.

Қосымша қызметтер[өңдеу]

Бағдарламалар бойынша электронды жөнсілтер
Жүйеде жетікүндік кезеңге «Бағдарламалар бойынша электронды жөнсілтер» (EPG) қызметінің дабыл-белгілері бар. Келесі қызметтер беріледі: «Алдағы бағдарламаны ескерту», «Оқиға тізімі», «Арналарды түрі бойынша сүзгілеу», «Таңдаулыларды басқару», «Арналар хабар тілін таңдау».
Ақылы бейне
Алдын-ала төлеп көрсету кестесі бойынша «Видеотека» қызметіндегі ақылы бейнелерді Pay-on-View режімінде көру мүмкіндігі кесіп-пішілген, сонымен қатар бөлек телехабарды да ақылы қарап шығу мүмкіндігі көзделген.
Электронды пошта
Әртүрлі оқиғалар мен қызмет көрсету өзгерістері туралы жедел құлақтандыру үшін қосымша қызмет ашылды: «BMAIL» — теледидарламалық пошта. Хабар жеткізілгенде теледидар бетінің жоғарғы оң жағында хатқалта бейнеленеді. Хабарды оқу үшін қашықтан басқару пультінде «BMAIL» түймешігін басу керек.

Ресми торабы[өңдеу]

Жүйенің otautv.kz қолдау торабында жазылушы мен делдалдың «Жеке ісбөлмелері» бар. Бұдан басқа ақпараттар да бар, соның ішінде: хабар таратудың аймақтық жабуы, дестелер құрамы, төлеу тәсілдері, жазылушы келісімі.

Ескертпелер[өңдеу]

  1. OTAUTV :: Жоба туралы
  2. Жәңа стандарттарға көшу кезінен қырық күн өткенде жазылушылар қоры 6,3 мыңнан 9,0 мыңға дейін өсіп кетті.
  3. Цифрлық телевизия Қазақстанда дамуда
  4. Intelsat 904 at 60.0°E - LyngSat
  5. Satellite Coverage Maps: IS-904 at 60ºE Ku-band Spot2 Beam Peak up to 53.8 dBW
  6. Телерадио хабарлау жерсеріктік желісінің құрылыс технологиясы
  7. Жабдықтамаға талаптар
  8. Техническая спецификация к открытому конкурсу на поставку спутниковых приемников STB SD (Set Top Box) для декодирования ТВ и РВ программ стандарта DVB-S2
  9. Техническая спецификация на поставку спутниковых приемников STB HD (Set Top Box) для декодирования ТВ и РВ программ стандарта DVB-S2 MPEG4
  10. Ұлттық спутникті хабар таратудың аймақтық жабуы
  11. Арна дестелері мен сипаттамалары
  12. Комиссия по вопросам развития телерадиовещания в Республике Казахстан создается Правительством РК. В её состав входят Министр связи и информации РК, депутаты Сената и Мажилиса Парламента, представители государственных органов и НПО.
  13. Қазақстан Республикасы Үкіметінің қаулысы № 256
  14. Қазақстандық спутниктік телевизияны бірінші Павлодарлықтар көретін болады

Тағы қараңыз[өңдеу]

Сілтемелер[өңдеу]