Ақшымырау

Ауыл
Ақшымырау
Әкімшілігі
Ел	ҚазақстанҚазақстан
Облысы	Маңғыстау
Ауданы	Маңғыстау
Ауылдық әкімдігі	Ақшымырау
Тарихы мен географиясы
Координаттары	44°49′26″ с. е. 52°49′59″ ш. б.44.82389° с. е. 52.83306° ш. б. / 44.82389; 52.83306
Құрылған уақыты	1934
Уақыт белдеуі	UTC+5:00
Тұрғындары
Тұрғыны	▼1117 адам (2021)
Этнохороним	Ақшымыраулық, Ақшымыраулықтар
Сандық идентификаторлары
Пошта индексі	130401
Автомобиль коды	12 (R)
Ақшымырау Ақшымырау
Ақшымырау шекарасы

Ақшымырау – Маңғыстау облысы Маңғыстау ауданындағы ауыл.

Географиялық орны

Аудан орталығы Шетпе ауылынан солтүстік-шығысқа қарай 125 км жерде, Бозащы түбегінің шығысында орналасқан.

Тарихы

Іргесі 1934 жылы қаланды. Алғашында 4-5 үйден тұратын шағын елді мекен 1953 жылдан 1969 жылға дейін 19 партсъезд атындағы ұжымшардың және Калинин ауылдық кеңесінің орталығы болып келді.1969 – 1974 жылдары «Бозащы» кеңшарының, 1974 – 1995 жылдары «Ақшымырау» кеңшары фермасының орталығы болды. Кеңшар және бөлімше негізінде Ақшымырауда мал шаруашылығымен айналысатын шаруа қожалықтары құрылды.

Халқы

1999	2009	2021
1225	▲1264	▼1117

Инфрақұрылымы

Ауылда «Ә.Тобанияз» атындағы орта мектеп оқушыларға білім беруде. Онда 2014 жылға қарай 283 оқушы оқыды. 2009 жылы «КомМунай» ЖШС-нің демеушілік көмегімен 50 орындық «Айгөлек» балабақшасы қолданысқа берілді, 2014 жылы 1 ашық спорт алаңы салынды, 2015 жылы ауылдық клубтың ескіруіне байланысты жаңа 150 орындық клуб ғимаратының құрылыс жұмыстары басталды. Ауылда сонымен қатар 2007 жылы салынған дәрігерлік амбулатория, фельдшер-акушерлік пункті бар, 1 кітапхана халыққа мәдени қызмет көрсетуде.

Ауыл шаруашылығы

Ақшымырау селосында 22 шаруа қожалығы және "Ақшымырау" ЖШС тіркелген. Мал азығы жем-шөпке байланысты ауылда "Ақшымырау" ЖШС-сі және 2 шаруа қожалығы мал азығы шөп шабумен айналысады. 2014 жылғы есеп бойынша ауылдағы жеке шаруа қожалықтары мен тұрғындардың мал басы саны түйе-1613, жылқы-4945: қой-ешкі - 11303, сиыр-67 басты құрап отыр.