Мәнуар Әсетқызы Абдуллина

Мәнуар Әсетқызы Абдуллина
Жалпы мағлұмат
Туған күні	22 наурыз 1922 (1922-03-22) (102 жас)
Туған жері	Қостанай облысы
Азаматтығы	КСРО  Қазақ КСР  Қазақстан
Мамандығы	актриса
Белсенді жылдары	1938
Марапаттары	Қазақстан Жоғарғы Кеңесінің Құрмет грамотасы Қазақстанның еңбек сіңірген әртісі

Мәнуар Әсетқызы Абдуллина (22.03.1922/24, Қостанай облысы Жангелді ауданы Торғай ауылы) - актриса, Қазақстанның еңбек сіңірген әртісі (1995).

Өмірбаяны

Алматы қаласындағы дене шынықтыру техникумының акробатика бөлімінде оқыды (1940 - 43). Алматы театр училищесінің актерлік бөлімін бітірген (1952). 1943 - 96 ж. Қазақ академикалық драма театрының актрисасы болды.

Рөлдері

М. Абдуллина ұлттық және аударма драмалық шығармалар бойынша қойылған спектакльдерге қатысып, әр алуан драматургия және комедиялық рольдер ойнап, өткір мінезді актриса екенін танытты. Орындаған рольдердің арасынан Әнапия (Ә. Тәжібаев пен Г. Рошальдің "Жомарттың кілемінде"), Перизат (Ә. Әбішевтің "Достық пен махаббатында"), Айғаным (Қ. Аманжоловтың "Досымның үйленуінде"), Бөпежан (Т. Ахтановтың "Сәулесінде"), Мэри (Б.А. Лавреневтің "Америка дауысында"), Варвара (А.Н. Островскийдің "Найзағайында"), Бьянка (У. Шекспирдің "Асауға түсауында"), т.б. атап айтуға болады. Өзі қызмет еткен театр ұжымымен Мәскеу, Бішкек, Қазан және Нүкіс қалаларына гастрольдік сапармен барып, өнер көрсетті. 1952 жылдан бастап киноға да ("Жамбыл", "Дала қызы", т.б.) түскен. Қазақстан Жоғарғы Кеңесінің Құрмет грамотасымен марапатталған (1966).