Қарасу ауданы (Қырғызстан)

Қарасу ауданы
	Аудан
	Қарасу ауданы
	Кара-Суу району
Әкімшілігі
Кіреді	Ош облысы
Әкімшілік орталығы	Қарасу қаласы
Тарихы мен географиясы
Құрылған уақыты	1935
Жер аумағы	3616 км²
Уақыт белдеуі	UTC+6
Тұрғындары
Тұрғыны	348 645 адам (2009)
Ұлттық құрамы	қырғыздар - 54,3%; өзбектер - 38,5%; ұйғырлар - 3,0%; тәжіктер - 1,7%; түріктер - 1,0%
Ресми тілі	Қырғыз тілі
Пошта индекстері	723300

Басқа мағыналар үшін Қарасу ауданы деген бетті қараңыз.

Қарасу ауданы (қыр. Кара-Суу району) — Қырғызстанның Ош облысы құрамындағы аудан. 2009 жылы ауданда 348 645 адам тұрған.

Ауданның әкімшілік орталығы — Қарасу қаласы.

Географиясы

Қарасу ауданы көбіне Ош-Қарасу оазисінде орналасқан. 1962 жылы аудан құрамына Ош ауданы кірген кезде Қарасу ауданы облыс орталығы — Ош қаласын қоршай орналасты. Аудан орталығы Қарасу қаласының маңында Шарақансай магистралды каналы бойымен Өзбекстанмен мемлекеттік шекара өтеді.

Аудан аумағы солтүстіктен оңтүстікке қарай облыстың орталық бөлігі бойымен созылып, Ферғана аңғарының шығыс шетінде және Алай жотасының таулы сілемдерінде орналасқан.

Климаты

Климат ауданның жазық бөлігінде субтропиктік, құрғақ, ал таулы жерлерінде — континентті климаттық белдеу. Ауданда қыс ұзақ емес және жұмсақ. Ең суық айда температура орташа есеппен -3...-5 градусты құрайды. Қар жамылғысы түзілмейді десе де болады. Жазы ыстық және ұзақ. Шілдедегі күндізгі температура орта есеппен құрайды +34...+36 градусты құрайды.

Халқы

Қырғызстан халқының 2009 жылғы санағы деректері бойынша аудан халқы 348 645 адамды құрайды, оның ішінде қырғыздар - 189 262 адам немесе 54,3%, өзбектер - 134 340 адам немесе 38,5%, ұйғырлар - 10 445 адам немесе 3,0%, тәжіктер - 5 947 адам немесе 1,7%, түріктер - 3 368 адам немесе 1,0%, әзербайжандар - 2 440 адам немесе 0,7%, дүнгендер - 786 адам, немесе 0,2%, татарлар - 749 адам, немесе 0,2% .

Қарасу ауданындағы Таширов ауылы — дүнгендер шоғырланып қоныстанған аймақ.