Авраам Константин Мурадгеа д'Оссон
Авраам Константин Мурадгеа д'Оссон (26.6.1779 — 25.7. 1851) — швед дипломаты, шығыстанушы. Ұлты — армян.
Әкесі Мурадж Д’Оссон Түркиядан (Стамбұлдан) Швецияға қоныс аударған дипломат, шығыстанушы. Д’Оссон 1799 жылдан Париждегі (1801 — 05), Мадридтегі (1805 — 06), Пруссия (1807 — 08) мен Севильдегі (1809) миссияның құрамында хатшылық қызмет атқарды. 1810 — 13 жылдары Швецияның Париждегі өкілі, ал 1816 — 35 жылдары Гаагадағы, 1835 — 50 жылдары Берлиндегі елшісі болды. Д’Оссон ортағасырлық Шығыс тарихын зерттеумен айналысты. Ол Упсаладағы ғылым академиясының (1817 жылдан), Әдебиет және өнер академиясының (1823 жылдан) және ғылым қоғамның (1828 жылдан) құрметті мүшесі. Оның “Моңғолдар тарихы: Шыңғыс ханнан Темірланға дейін” (“Hіstoіre des Mongols depuіs Tschіnguіz — khan jusgu’a Tіmour Bey ou Tamerlan”, 2-ed., v. 1 — 4, La Hoye — \ Amst., 1834 — 35) деп аталатын 4 томдық еңбегі Орта Азия көшпелілерінің тарихына арналған. 1937 жылы бұл еңбектің 1-томы орыс тіліне аударылып, Иркутскіде жарық көрді (1998 жылы Алматыда қайта басылып шықты). Д’Оссонның бұл еңбегінде Рашид әд-Дин, Ала әд-Дин Ата Мәлік Жуайни, т.б. парсы тіліндегі құнды деректері мен армян, грузин, поляк және латын тілдеріндегі жылнамалар пайдаланылған. Д’Оссонның тарихи еңбегі күні бүгінге дейін ғылыми ортада жоғары бағаланып, өз құндылығын жоғалтпаған.[1]
Дереккөздер[өңдеу | қайнарын өңдеу]
- ↑ Қазақ энцклопедиясы
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
- 1779 жылы туғандар
- 1851 жылы қайтыс болғандар
- Османлы империясы дипломаттары
- Швеция шығыстанушылары
- Швед коорольдік ғылым академиясы мүшелері
- Стамбулдың тарихи тұлғалары
- Османлы империясы армяндары
- Швеция армяндары
- Стамбул тұлғалары
- Швециядағы Оттоман эмигранттары
- Швецияның Франциядағы елшілері
- Швецияның Нидерландтағы елшілері
- Уппсала университеті түлектері