Бауыржан Ербосынұлы Исламхан

Уикипедия — ашық энциклопедиясынан алынған мәлімет
Jump to navigation Jump to search
Бауыржан Исламхан Футбол
Islamkhan 2020.png
Жалпы мағлұмат
Толық аты

Бауыржан Ербосынұлы Исламхан

Лақап аттары

Батори

Туған күні

23 ақпан 1993 (1993-02-23) (28 жас)

Туған жері

Тараз, Қазақстан

Азаматтығы

 Қазақстан

Бойы

174 см

Салмағы

64 кг

Позиция

жартылай қорғаушы

Клуб жайлы ақпарат
Клуб

Біріккен Араб Әмірліктері Әл-Айн

Жастар клубы
2009—2011 Қазақстан Тараз
Клуб карьерасы[* 1]
2011—2012 Қазақстан Тараз 23 (4)
2013—2014 Ресей Кубань 0 (0)
2013  Қазақстан Астана 8 (1)
2014—2019 Қазақстан Қайрат 198 (56)
2020— Біріккен Араб Әмірліктері Әл-Айн 16 (1)
Ұлттық құрамы[* 2]
2011 Қазақстан Қазақстан-19 1 (0)
2012—2014 Қазақстан Қазақстан-21 24 (6)
2012—  Қазақстан 46 (3)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Бауыржан Исламхан (Тараз, 1993 жылы 23 ақпанда туған) — қазақстандық футболшы, Әл-Айн клубы мен Қазақстан Ұлттық футбол құрамасының жартылай қорғаушысы. Қазақстанның 6 дүркін вице-чемпионы және Ел Кубогының 4 дүркін иегері.

Мансабы[өңдеу | қайнарын өңдеу]

Клубтық[өңдеу | қайнарын өңдеу]

Исламхан Тараз футбол академиясының тәрбиеленушісі. "Тараз" футбол клубы үшін алғашқы ойынын 2011 жылдың 6 наурызында, Қазақстан премьер лигасы аясында Ертіске қарсы ойында өткізді. Сол ойыннан бері ол клубтың негізгі ойыншыларының біріне атанды. Келесі маусымда 19 жасар Исламхан команда капитаны болып сайланады. 2012 жылдың маусымында 22 ойында 4 гол соғып Қазақстан Футбол Федерациясы жаттықтырушыларының дауыс беру қорытындысы бойынша «Жылдың ең үздік жас ойыншысы» атанады.

2013 жылы өзінің туылған күнінде "Кубань Краснодар" футбол клубымен үш жылдық келісім шартқа қол қояды. Ол 2013 жылы 25 ақпан күні «Торпедо Армавир» футбол клубына қарсы ойында дебютін жасады. Ресей Премьер Лигасында бірде-бір ойын өткізбеген Исламхан, жартыжыл бойы Кубаньның екінші командасы үшін өнер көрсетеді.

2014 жыл 11 ақпан «Кубань Краснодар» мен «Қайрат» арасында келіссөдер жүргізіліп, Исламхан Қайратпен үш жылдық келісім шартқа қол қояды. 2016 жылы тамыз айының соңына қарай "Астана" футбол клубынан, «Қайратпен» келісім шарт уақыты аяқталғаннан кейін «Астана» футбол клубына қосылу туралы ұсыныс келіп түседі. Бірақ футболшы ондай ұсыныстан бас тартты.

2020 жылы қаңтар айында "Қайраттан" кетті. Осы кезде "Зениттен" ұсыныс түсті де, клубтың бірнеше оқу-жаттығу жиындарына қатысты. Алайда клубпен келісім шарт жасасқан жоқ, 21 қаңтарда Біріккен Араб Әмірліктерінің "Әл-Айн" клубына ауысты.

2020 жылғы маусымның соңында допинг пайдаланды деп айыпталып, АФК оны екі жылға футболдан шеттетті.[1]

Ұлттық құрама[өңдеу | қайнарын өңдеу]

Қазақстанның бірнеше жастағы жастар құрамаларында ойнады.

2012 жылы ақпанда Литваға қарсы жолдастық кездесуде Ұлттық құрама жейдесін тұңғыш рет киді. 2014 жылы 5 қыркүйекте Қырғызстанмен өткен жолдастық кездесуде тұңғыш голын соқты. Бір жылдан соң Тәжікстанмен жолдастық кездесуде екінші голын енгізді.

2016 жылы 4 қыркүйекте 2018 жылғы әлем чемпионатының іріктеуінде Польшаға қарсы ойында тұңғыш рет капитан ретінде алаңға шықты. 2017 жылы 10 маусымда осы іріктеудегі Даниямен ойында қызыл қағаз алып алаңнан қуылды.

2019 жылы 11 маусымда Сан-Марино қақпасына құрама сапындағы үшінші голын соқты.

Жетістіктері[өңдеу | қайнарын өңдеу]

Клубтық[өңдеу | қайнарын өңдеу]

«Қайрат»
  • Қазақстанның вице-чемпионы (4): 2015, 2016, 2017, 2018, 2019
  • Қазақстанның қола жүлдегері: 2014
  • Қазақстан кубогы (4): 2014, 2015, 2017, 2018
  • Қазақстан суперкубогы: 2016, 2017

Жеке[өңдеу | қайнарын өңдеу]

  • Жыл жаңа есімі: 2011
  • Қазақстанның үздік жартылай қорғаушысы: 2015, 2016, 2017
  • Қазақстанның үздік футболшысы: 2014, 2016

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]