Бауыржан Жұмаханұлы Омаров
| Бауыржан Жұмаханұлы Омаров | |
|---|---|
 Бауыржан Жұмаханұлы Омаров | |
| Дүниеге келгені: |
1.5.1962 Қызылорда облысы Арал ауданы Қаратерең ауылы |
| Мансабы: | филология ғылымдарының докторы (2001), профессор (2002, Қазақстан Республикасы Ұлттық Ғылым академиясының корреспондент-мүшесі (2013). |
Бауыржан Жұмаханұлы Омаров(1.5.1962 жылы туған., Қызылорда облысы Арал ауданы Қаратерең ауылы) – филология ғылымдарының докторы (2001), профессор (2002), Қазақстан Республикасы Ұлттық Ғылым академиясының корреспондент-мүшесі (2013).
Оқу жолы[өңдеу | қайнарын өңдеу]
ҚазМУ-дың журналистика факультетін (1986, қазіргі ҚазҰУ), Мәскеу халықаралық бизнес және ақпараттық технологиялар университетін (1998), Т.Рысқұлов атындағы Қазақ экономикалық университетін (2006) бітірген.
Жұмыс жолы[өңдеу | қайнарын өңдеу]
«Лениншіл жас» (қазіргі «Жас Алаш») газетінің тілшісі, аға тілшісі, аудармашысы, бөлім меңгерушісі (1986–1994), ҚазҰУ-дың аға оқытушысы (1994–1996), аға ғылыми қызметкері (докторант) (1998–2000), профессоры (2002–2003), Қызылорда мемлекеттік университетінің проректоры (1996–1997), Қызылорда қаласы әкімінің орынбасары – Қызылорда арнайы экономикалық аймағы әкімшілік кеңесі төрағасының орынбасары (1997–1998), Қазақстан БҒМ М.Әуезов атындағы Әдебиет және өнер институтының аға ғылыми қызметкері, бөлім меңгерушісі (2000–2003), «Қайнар» университетінің профессоры (2001–2002); ҚР Мәдениет министрлігінің Тілдерді дамыту департаментінің директоры, ҚР Мәдениет, ақпарат және спорт министрлігі Тіл комитетінің төрағасы (2003–2006), "Литер-Media" ЖШС атқарушы директоры, «Астана хабары» газеті бас редакторының бірінші орынбасары, «Айқын» газетінің бас редакторы, Қызылорда облысы әкімі аппаратының жетекшісі, «Қазақ газеттері» ЖШС бас директоры (2006–2009), ҚР Мәдениет және ақпарат министрлігі Ақпарат және мұрағат комитеті төрағасының орынбасары, Ақпарат және мұрағат комитетінің төрағасы, ҚР Мәдениет министрлігі Тіл комитетінің төрағасы. ҚР Президенті Баспасөз қызметінің сектор меңгерушісі (2009–2013),қызметтерін атқарды. Қазір – ҚР Президенті Баспасөз хатшысының орынбасары. Ғылыми-зерттеу саласы - әдебиеттану.
Бауыржан Омаров Қазақстан Президентінің кеңесшісі болып тағайындалды[1][2][3].
Үйленген. Жұбайы - Ермағамбетова Тойған Нұрғалиқызы (1963 ж. т.), балалар дәрігері. Ұлдары - Бақытжан (1987 ж. т.), Дәурен (1988 ж. т.), Дәулет (1991 ж.т), қызы – Айжан (1995-2003). Немерелері – Аяжан (2010 ж.т.), Сая (2012 ж.т.), Сана (2014 ж.т.), Расул (2015 ж.т.).
Ғылыми еңбектер[өңдеу | қайнарын өңдеу]
- 1993 жылы Абай атындағы Алматы мемлекеттік педагогикалық университетінде "Мұрат Мөңкеұлының әдеби мұрасы" атты тақырыпта кандидаттық диссертация қорғады.
- 2001 жылы М.Әуезов атындағы Әдебиет және өнер институтында «Қазақ әдебиетіндегі зар заман ағымы (генезис, типология, поэтика)» деген тақырыпта докторлық диссертация қорғады.
- Мұрат Мөңкеұлының шығармаларын, қазақ әдебиетіндегі зар заман ағымын, ежелгі әдебиет мәселелерін зерттеді.
- 100-ден астам ғыл. жарияланым мен 10 ғылыми және публицистикалық кітаптардың авторы.[4][5]
Дереккөздер[өңдеу | қайнарын өңдеу]
- ↑ Мемлекет басшысының Өкімімен Бауыржан Жұмаханұлы Омаров Қазақстан Республикасы Президентінің кеңесшісі қызметіне тағайындалды. akorda.kz. 2019 жылы.
- ↑ Бауыржан Омаров Қазақстан Президентінің кеңесшісі болып тағайындалды. inform.kz. 2019 жылы.
- ↑ Бауыржан Омаров Президент кеңесшісі болып тағайындалдыНұр-Сұлтан, BAQ.KZ.
- ↑ "Қазақ энциклопедиясы"
- ↑ Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|