Битай Тәтенова
| Битай Тәтенова | |||||
| Туған күні | |||||
|---|---|---|---|---|---|
| Туған жері |
Қаратал ауылы, Талдықорған уезі, Жетісу губерниясы, Қырғыз АСКР | ||||
| Қайтыс болған күні |
белгісіз | ||||
| Марапаттары мен сыйлықтары |
| ||||
Битай Тәтенова (1924 жылы, Қаратал ауылы, Талдықорған уезі, Жетісу губерниясы, Қырғыз АСКР — ?) — Қазақ КСР, Талдықорған облысы, Киров ауданы, «Еңбекші» ұжымшарының звеношысы, Социалистік еңбек ері (1950).
Өмірбаяны
[өңдеу | қайнарын өңдеу]1924 жылы Қырғыз АСКР, Жетісу губерниясы, Талдықорған уезіндегі Қаратал ауылында (қазіргі Қазақстан, Жетісу облысы, Көксу ауданы) дүниеге келген.
1941 жылы Қазақ КСР, Алматы (1944-1997 жылдары — Талдықорған) облысы, Киров ауданына қарасты жергілікті «Еңбекші» ұжымшарында қатардағы ұжымшаршы болып жұмысқа орналасты. 1943 жылы қызылша шаруашылығы тобының меңгерушісі болып, сол жылы әр гектардан 150 центнер, 1947 жылы 500 центнер қызылша жинады. 1948 жылдың қорытындысы бойынша топ 5 гектардан 772 центнер қант қызылшасын алып, звеношы Ленин орденімен марапатталды. 1949 жылы 5 гектар алқаптан 826 центнерден, 3 гектардан 938 центнерден өнім жиналды, бұл аудан бойынша қант қызылшасынан рекордтық өнім.
КСРО Жоғарғы Кеңесі Төралқасының 1950 жылғы 23 маусымдағы «1949 жылы қант қызылшасынан жоғары өнім алғаны үшін» Жарлығымен оған Ленин ордені және «Орақ пен Балға» алтын медалімен марапаттап, Социалистік еңбек ері атағы берілді.
Тобының барлық мүшелері ордендермен және медальдармен марапатталды.
1963 жылдан бастап ұжымшардан қайта құрылған «Еңбекші» кеңшарында қойма меңгерушісі, келесі жылы Қаратал жер теліміндегі бақша аға жұмысшысы болды. Ол туған ауылы Қараталда тұрды.
Еңбектегі көрнекті жетістіктері үшін 1977 жылы КСРО Мемлекеттік сыйлығының лауреаты (ғылыми зерттеулердің нәтижелерін кеңінен пайдаланғаны және күріш, жүгері, қарақұмық, қант қызылшасы, зығыр өндірісіне озық тәжірибені енгізгені, бұл егіншілік мәдениетінің айтарлықтай артуы, технологияны тиімді пайдалану және осы негізде ауыл шаруашылығы өнімдерін өндірудің өсуі және тәлімгерлікті дамытудағы бастамасы үшін).
Қазақ КСР Жоғарғы Кеңесінің 3-шақырылым депутаты (1951-1955). 2 мәрте Ленин орденімен (06.06.1949; 23.06.1950), Октябрь Революциясы орденімен (12.10.1973), медальдармен марапатталған.
Әдебиет
[өңдеу | қайнарын өңдеу]- Герои Социалистического Труда - казахстанцы / М. О. Джангалин (отв. ред.). — Алма-Ата: Казахстан, 1970. — Т. 3.
- Газета «Социалистік Қазақстан» №267 (15840) от 16 ноября 1977 года
Сілтеме
[өңдеу | қайнарын өңдеу]- Тәтенова Битай. «Герои страны» сайты.