Болат Нұретдинұлы Жұмаділов

Марапаттар
	Бокс
Олимпиада ойындары
Әлем чемпионаты
Азия чемпионаты
Мемлекеттік марапаттары
	Құрмет ордені

Болат Жұмаділов
	Болат Жұмаділов
Жалпы мағлұмат
Толық есімі	Болат Нұретдинұлы Жұмаділов
Азаматтығы	Қазақстан
Туған күні	22 сәуір 1973 (52 жас)
Туған жері	Жетібай ауылы, Байзақ ауданы, Жамбыл облысы
Тұрғылықты жері	Астана
Салмағы	51
Бапкері	Феликс Цой

Болат Нұретдинұлы Жұмаділов (1973 жылы 22 сәуірде Жамбыл облысы, Байзақ ауданы, Жетібай ауылында туған) – әуесқой боксшы, Қазақстанның еңбек сіңірген спорт шебері (1995), Қазақстанның еңбек сіңірген қайраткері (2000), әуесқой бокстан қазақтан шыққан тұңғыш Әлем чемпионы (1999)^[1], Олимпиада ойындарының екі дүркін күміс жүлдегері (1996, 2000).

Өмірбаяны

Спорттағы мансабы

Бокспен 12 жасынан бастап айналысқан. 1990 – 97 жылдары аралығында Қазақстан чемпионы, 1992 жылы ТМД елдерінің чемпионы. Алғашқы жаттықтырушысы Феликс Цой болды (Тараз). «Динамо» сапында өнер көрсеткенде жетістіктеріне қарай шен беріп тұрды, капитан деңгейіне дейін өсті.

Орталық Азия ойындарының (1995, 1997), 2-ші Шығыс Азия ойындарының (1997, Пусан, Корея) чемпионы.

Бокстан Әлем чемпионаттарының (1995 жылы, Берлин, Германия, 1997 жылы, Будапешт, Венгрия) қола, 26-Олимпиада ойындарының (1996, Атланта, АҚШ) күміс және Әлем чемпионатының (1999, Хьюстон, АҚШ) алтын, 27-Олимпиада ойындарының (2000, Сидней, Австралия) күміс жүлдегері.

1992 жылы Барселона Олимпиадасына жолдаманы иеленді. Болат Теміров екеуін 1992 жылғы Барселона Олимпиадасына апарып, жарысқа қатыстырмағанын спорттық саясатпен байланыстырады.

1993 жылғы Әуесқой бокстан әлем чемпионаты

Кезең	Күні	Спортшы	Нәтижесі	Спортшы
Бірінші ең жеңіл салмақ
1/16	??.05.1993	Болат Жұмаділов	RSC 1	Rajendra Prasad

1995 жылғы Әуесқой бокстан әлем чемпионаты

Кезең	Күні	Спортшы	Нәтижесі	Спортшы
Ең жеңіл салмақ
1/16	06.05.1995	Болат Жұмаділов	12:4	Paul Shepherd
1/8	08.05.1995	Болат Жұмаділов	10:5	Sergey Kovganko
1/4	10.05.1995	Болат Жұмаділов	+6:6	Rachid Bouaita
1/2	12.05.1995	Болат Жұмаділов	19:4	Joni Turunen
Финал	14.05.1995	Болат Жұмаділов	6:11	Zoltan Lunca

Атлантадағы Олимпиада ойындары

Кезең	Күні	Спортшы	Нәтижесі	Спортшы
Ең жеңіл салмақ
1/32	23.07.1996	Болат Жұмаділов	18:7	Vladislav Nayman
1/16	28.07.1996	Болат Жұмаділов	21:4	Sergey Kovganko
1/8	31.07.1996	Болат Жұмаділов	13:6	Damaen Kelly
1/4	02.08.1996	Болат Жұмаділов	23:18	Zoltan Lunka
1/2	04.08.1996	Болат Жұмаділов	11:12	Maikro Romero

1997 жылғы Әуесқой бокстан әлем чемпионаты

Кезең	Күні	Спортшы	Нәтижесі	Спортшы
Ең жеңіл салмақ
1/16	20.10.1997	Болат Жұмаділов	KO 3	Martin Castillo
1/8	21.10.1997	Болат Жұмаділов	20:3	Peter Balaz
1/4	22.10.1997	Болат Жұмаділов	WO	Alisher Rakhimov
1/2	24.10.1997	Болат Жұмаділов	10:16	Ilfat Riazapov

1999 жылғы Әуесқой бокстан әлем чемпионаты

Кезең	Күні	Спортшы	Нәтижесі	Спортшы
Ең жеңіл салмақ
1/16	21.08.1999	Болат Жұмаділов	8:5	Suleyman Pekdogan
1/8	22.08.1999	Болат Жұмаділов	9:5	Vakhtang Darchinyan
1/4	24.08.1999	Болат Жұмаділов	10:2	John Medina
1/2	25.08.1999	Болат Жұмаділов	WO	JAndrzej Rżany
Финал	27.08.1999	Болат Жұмаділов	6:4	Omar Narvaez

Сиднейдегі Олимпиада ойындары

Кезең	Күні	Спортшы	Нәтижесі	Спортшы
Ең жеңіл салмақ
1/8	24.09.2000	Болат Жұмаділов	12:9	Kennedy Kenyanta
1/4	27.09.2000	Болат Жұмаділов	15:8	Vakhtang Darchinyan
1/2	29.09.2000	Болат Жұмаділов	22:16	Jerome Thomas
Финал	01.10.2000	Болат Жұмаділов	12:19	Wijan Ponlid

2001 жылы үйленіп, шаңырақ көтерген соң Жұмаділов кәсіби спорттағы мансабын аяқтады. Қысқа уақыт кеден саласында жұмыс істеді. Кейін жаттықтырушылықпен айналысты. 2010-жылдары Арқалықта үш жыл бапкерлік етті. «Астана арландарында» жаттықтырушы қызметін атқарды^[2].

Атлтанта күміс жүлде иеленгенде Таразда бокс федерациясын басқаратын Қайрат Шотпақов Тараздан пәтер берді. Облыс әкімі болған Амалбек Тшанов "Toyota Corolla" автокөлігін мінгізді. Кейін Сиднейден кейін облысты басқарған Серік Үмбетов Toyota Camry сыйлады. Қасым-Жомарт Тоқаев Алматыдан үш бөлмеді үй берген^[3].

Болат Жұмаділов ұзақ уақыт бойы жеке табысының негізгі көзі ретінде тек жаттықтырушылықпен шектелді. Өз үйіндегі жаттығу залына келген балаларға айына 10–20 мың теңге көлемінде ақы белгіленді.

2010-жылдардың соңынан бастап жеке жаттықтырушы ретінде жұмыс істей бастады. Өзінің үйінің төменгі қабатында шағын спортзал ашып, балаларды боксқа баулыды. Залды өзінің жеке бапкері Феликс Цойдың есімімен атады. Оның шәкірттері арасында кейін Марокко құрамасының бас бапкері болған Ерік Алғабеков бар.

2022 жылы Болат Жұмаділов банктік қарызын өтей алмай, екі бөлмелі пәтерінен айырылып қала жаздады. «Қазақстан спортшылар одағының» қолдауымен қайта қаржыландыру жасалып, арест алып тасталды. Нәтижесінде Жұмаділов отбасымен Астанадағы пәтерінде қалды^[4].

Марапаттары

“Құрмет” орденімен марапатталған.^[5]

Қоғамдық назарға түсуі

2025 жылғы қыркүейкте журналист Нұрсейіт Жылқышыбай Болат Жұмаділовтен сұхбат алған болатын. Сұхбаттан кейін Болат Жұмаділовтің тұрмыстық жағдайы қоғамда талқылауға түсті. Белгілі спортшы ұзақ уақыт бойы шәкірттерін өз үйінің жертөлесінде жаттықтырған. Ол техникалық бөлмені шағын бокс залына айналдырды^[6]. Алайда жаттығу орнына тиесілі ғимараттың кез келген уақытта босатылуы мүмкін екендігі және құрал-жабдықтардың ескіргендігі айтылды^[7].

Журналист Нұрсейіт Жылқышыбайдың сұхбатынан кейін жағдай өзгерді. Бокс федерациясының басшысы Шахмұрат Мүтәліп Болат Жұмаділовке Huinday Elantra автокөлігін сыйлады^[8]. Кәсіпкер Махат Төрәлі Астана қаласындағы Бекзат Саттарханов атындағы спорт кешеніне бапкер ретінде тұрақты жұмыс ұсынды.

Жеке өмірі

Болат Жұмаділов үйленген, үш қызы бар. Отбасындағы балалар кәсіби спортпен айналыспайды.

Сілтемелер

«Олимп». Болат Жұмаділов
Сұxбат. Болат Жұмаділов (QazSport TV / QAZSPORT Арнасының YouTube арнасы) 2022 жыл
«БІР КҮН». Болат Жұмаділов (Qazaqstan TV / Қазақстан Ұлттық Арнасының YouTube арнасы) 2020 жыл
Қазақ тіліміз көркейе берсін Мұрағатталған 19 маусымның 2021 жылы.
"БОЛАТТАЙ БЕРІК БОКСШЫ". БОЛАТ ЖҰМАДІЛОВ (QAZSPORT TV, 2017 жылғы 24 желтоқсан)
«Айбын». Болат Жұмаділов армияны сағыныпты (Хабар телеарнасының YouTube арнасы) 2018 жыл

Дереккөздер

↑ Қазақтың Болаты 41-ге толды.
↑ Болат Жұмаділов: «Арландардың» құрамында өзгерістер көп.
↑ Өз уақытында бокстағы еншімізді алдық деп санаймын - Болат Жұмаділов (2023 жылғы 23 шілде).
↑ Боксшы Болат Жұмаділовтің екі бөлмелі пәтерін банк тартып алған.
↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
↑ Жертөледе балаларды жаттықтырып жүрген Болат Жұмаділов жоғары айлық төленетін жұмысқа тұрды.
↑ «Лауазым да, көлік те бұйырмады»: Болат Жұмаділовтің қазіргі жағдайы елді алаңдатты.
↑ Олимпиаданың екі дүркін күміс жүлдегері Болат Жұмаділовке жаңа көлік сыйға тартылды.

[1] Қазақтың Болаты 41-ге толды.

[2] Болат Жұмаділов: «Арландардың» құрамында өзгерістер көп.

[3] Өз уақытында бокстағы еншімізді алдық деп санаймын - Болат Жұмаділов (2023 жылғы 23 шілде).

[4] Боксшы Болат Жұмаділовтің екі бөлмелі пәтерін банк тартып алған.

[5] “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9

[6] Жертөледе балаларды жаттықтырып жүрген Болат Жұмаділов жоғары айлық төленетін жұмысқа тұрды.

[7] «Лауазым да, көлік те бұйырмады»: Болат Жұмаділовтің қазіргі жағдайы елді алаңдатты.

[8] Олимпиаданың екі дүркін күміс жүлдегері Болат Жұмаділовке жаңа көлік сыйға тартылды.

[1]

[2]

[3]

[4]

[5]

[6]

[7]

[8]