Владимир Николаевич Сахнов

Уикипедия — ашық энциклопедиясынан алынған мәлімет
Jump to navigation Jump to search

Владимир Николаевич Сахнов 1961 жылы 25 сәуірде Целиноград облысы Сандықтау ауданы Каменка ауылында туған. Орыс.

Әкесі - Сахнов Николай Иванович, марқұм, радиотехник болып жұмыс істеген. Анасы - Сахнова Валентина Порфирьевна, зейнеткер.

Бурабай ауылшаруашылық техникумын (1980), құрылыс шебері; Қазақ мемлекеттік дене шынықтыру институтын бітірген (1986), жаттықтырушы-оқытушы.

1980 жылдан - Қаз КСР Спорт комитетінің шаңғы спортынан нұсқаушы. 1989 жылдан - Бүкілодақтық кәсіподақтары ерікті дене шынықтыру-спорт қоғамының шаңғы спортынан әдіскер. 1990 жылдан - ҚР Туризм және спорт министрлігі Ұлттық Олимпиадалық комитетінің бас маманы. 1993 жылдан - шаңғы спортынан ҚР Ұлттық командасының аға жаттықтырушы. 1999 жылдан - Көкшетау қаласы ОРМБЖМ директоры. 2003 жылдан - биатлоннан ҚР Ұлттық командасының бас жаттықтырушысы. 2005 жылдан - «Liebert wolkwtz» спорт клубының шаңғы спортынан жаттықтырушысы (Германия).

2007 жылдан - шаңғы спортынан ҚР ұлттық командасының жаттықтырушы-кеңесшісі.

Калгариде өткен Олимпиада ойындары эстафетасында күміс жүлдегері (1988); Әлем чемпионатының күміс жүлдегері (Оберстдорф, 1987); Әлем кубогының бірнеше мәрте жеңімпазы және жүлдегері (1983-1989); КСРО Халықтары спартакиадасының (1982, 1986) 50 км қашықтықтағы марафондық жарысында және эстафетасында 3 мәрте чемпионы; Ынтымақтас армиялар спартакиадасының абсолюттік чемпионы (1984); 5 мәрте КСРО чемпионы; КСРО Кубогының жеңімпазы (1982,1986); бірнеше мәрте ҚазКСР чемпионы (1985-1989); 50 км қашықтықтағы марафондық шаңғы жарысында КСРО чемпионы.

КСРО спорт шебері (1984). Халықаралық санаттағы спорт шебері (1988).

«Қажырлы еңбегі үшін» медалімен (1988); ҚазКСР Жоғарғы Кеңесі Төралқасының құрмет грамоталарымен марапатталған (1982, 1986).

Әскери атағы - лейтенант.

Үйленген. Жұбайы - Сахнова Ольга Федоровна (1966 жылы туған). Ұлы - Владимир (1988 жылы туған); қызы - Николь (2006 жылы туған).[1]

Дереккөздер[өңдеу]

  1. Қазақстан Республикасында Кімнің Кім екені – 2011. 2 томдық анықтамалықаласы Алматы, 2011. ISBN 978-601-278-473-2