Гарри Кимович Каспаров

Уикипедия — ашық энциклопедиясынан алынған мәлімет
(Гарри Каспаров бетінен бағытталды)
Навигацияға өту Іздеуге өту
Гарри Кимович Каспаров

Гарри Каспаров 2017 жылы
Мемлекеттер

 КСРО Ресей
 Хорватия

Туған кездегі есімі

Гарри Кимович Вайнштейн

Туған күні

13 сәуір 1963 (1963-04-13) (60 жас)

Туған жері

Баку, Әзірбайжан КСР, КСРО

Лауазымы

гроссмейстер (1980) халықаралық шебер (1979) КСРО спорт шебері (1978)

Максималды рейтингі

2851 (шілде 1999 жыл)

Актуалды рейтингі

2812 Шахматшының id табылмады

Жеке мағлұматы ФИДЕ сайтында
Жеке мағлұматы Chess DB сайтында

https://www.kasparov.com/
Гарри Каспаров

Каспаров Гарри Кимович[1] (13.04.1963 күні туылған, Әзірбайжан, Баку қаласы) – шахматшы, шахматтан дүние жүзінің 13-ші чемпионы, жастар арасындағы дүние жүзінің чемпионы (1980), халықаралық дәрежедегі гроссмейстер (1980), еңбек сіңірген спорт шебері (1985), 1982, 1983, 1985, 1986, 1987, 1988, 1989, 1990, 1991 жылдардағы шахматтан “Оскар” жүлдесінің иегері, гроссмейстерлер қауымдастығының президенті (1986 жылдан). Әзірбайжан шет тілдер ин-тын бітірген (1986).

  • Ағылшын тілінің маманы.

Шахмат жолы[өңдеу | қайнарын өңдеу]

  • Шахмат ойнауды алты жасында үйренді.
  • Тоғыз жасында бірінші разряд, 10 жасында спорт шеберлігіне кандидат, 15 жасында спорт шебері атанды.
  • 1973 жылдан бастап М.Ботвинник клубында жаттықты.
  • 1975 жылы ересектер арасында “Баку кубогін” жеңіп алды. Жастар арасындағы КСРО чемпионы болды (1976, 1977).
  • 1982 жылғы А.Сокольский мемориалында бас жүлдені еншілеп, КСРО спорт шебері нормасын орындады. 16 жасында (1979) Босния мен Герцеговинадағы Баня-Лука қаласында 14 гросмейстерден озып, бірінші орын алды. КСРО чемпионатында (1981) Л.Псахиспен бас жүлдені бөлісті.
  • 1982 жылы дүние жүзі чемпионы атану жолындағы жарысқа қосылып, Мәскеудегі аймақаралық турнирді ұтты.

Үміткерлер матчының ширек финалында (Мәскеу, 1983) А.Белявскийді 6:3, жартылай финалда (Лондон, 1983) В.Корчнойды 7:4, финалда (Вильнюс, 1984) В.Смысловты 8,5:4,5 есебімен тізе бүктірді. А.Карповпен арадағы матч 1984 жылы басталып, келесі жылы да аяқталмай қалды. Арада бірнеше ай өткен соң матч қайтадан басталып, 22 жастағы Каспаров пайдасына (13:11) шешілді. Дүние жүзінің чемпионы болған соң, атағын қорғау үшін А.Карповпен тағы да екі матч өткізді. 1986 жылы12,5:11,5, ал 1987 жылы12:12 болып дүние жүзі чемпионы атағын сақтап қалды. Ол қазір Кәсіпқой шахмат қауымдастығының арасындағы дүние жүзі чемпионы. .

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том