Гүлмаржан Сәлімгерейқызы Махамбет

Уикипедия — ашық энциклопедиясынан алынған мәлімет
Jump to navigation Jump to search

Гүлмаржан Сәлімгерейқызы Махамбет (11.12.1943 жыл, Атырау облысы Қызылқоға ауданы Қаттыкөл ауылы) - театр суретшісі, Қазақ.

Әкесі - Есенғариев Сәлімгерей, марқұм, ҰОС қатысқан, кеңшардың бас бухгалтері болған. Анасы - Есенғариева Ағия Бекесқызы, марқұм, үй шаруасында болған.

Н.В. Гоголь атындағы Алматы көркемөнер училищесінің театр факультетін бітірген (1972), қоюшы-суретші.

«Халық педагогикасы негіздеріндегі ұлт денсаулығы және ұрпақ тәрбиесінің психофизологиялық жаңа көзқарасы», «Халық тағылымындағы әсемдік үлгілері» монографияларының, сонымен қатар 3 мақаланың, соның ішінде «Балалар тәрбиесінің жаңа бағыты» авторы.

1972 жылдан - Махамбет атындағы Атырау қазақ драма театрының қоюшы-суретшісі. 1978 жылдан - Махамбет атындағы Гурьев қазақ драма театрының бас суретшісі. 1992 жылдан - сән үлгілерін көрсету және ұлттық киім тігу «Гүлмаржан сән үйі» шығармашылық шеберханасының ұйымдастырушысы және жетекшісі (Атырау). 2006 жылдан бері - Махамбет атындағы Атырау облыстық қазақ драма театрының бас суретшісі.

КСРО Суретшілер одағының мүшесі (1986).

«Айбөбек» Атырау Балалар қайырымдылық қорының президенті (1996-1998).

«Еңбек ардагері» (1989) медалімен, ҚазКСР Жоғарғы Кеңесінің Құрмет грамотасымен марапатталған (1988).

Тұрмыс құрған. Ұлы - Алмат Оспанұлы Махамбетов (1971 ж. т.), мәдeниет қайраткері.[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2