Жанбай

Уикипедия — ашық энциклопедиясынан алынған мәлімет
Навигацияға өту Іздеуге өту
Ауыл
Жанбай
Әкімшілігі
Ел

 Қазақстан

Статусы

Ауылдық округ орталығы

Облысы

Атырау

Ауданы

Исатай

Ауылдық округі

Жанбай

Тарихы мен географиясы
Координаттары

47°02′54″ с. е. 50°48′19″ ш. б. / 47.04833° с. е. 50.80528° ш. б. / 47.04833; 50.80528 (G) (O) (Я)Координаттар: 47°02′54″ с. е. 50°48′19″ ш. б. / 47.04833° с. е. 50.80528° ш. б. / 47.04833; 50.80528 (G) (O) (Я)

Құрылған уақыты

1930

Уақыт белдеуі

UTC+5:00

Тұрғындары
Тұрғыны

3231 адам (2021)

Этнохороним

жанбайлық, жанбайлықтар

Сандық идентификаторлары
Автомобиль коды

06

Жанбай картада
Жанбай
Жанбай
Жанбай картадаЖылыой ауданыМақат ауданыҚызылқоға ауданыАтырауМахамбет ауданыИндер ауданыИсатай ауданыҚұрманғазы ауданыКаспий теңізіРесейМаңғыстау облысыБатыс Қазақстан облысыАқтөбе облысы
Жанбай картада
Жанбай
Жанбай
 Басқа мағыналар үшін Жанбай аралы деген бетті қараңыз.

Жанбай, ЖамбайАтырау облысы Исатай ауданындағы ауыл, Жанбай ауылдық округі орталығы.

Географиялық орны

[өңдеу | қайнарын өңдеу]

Аудан орталығы — Аққыстау ауылынан оңтүстік-батысқа қарай 30 км жерде, Каспий маңы ойпатының оңтүстік жағындағы шөлдік белдемде орналасқан. Жанбай ауылының үстімен Обалы - Ақбас каналы өтеді.

1989 жылы елді мекенде 2689 адам тұрған.[1] 1999 жылы тұрғындар саны 2560 адам (1332 ер адам және 1228 әйел адам) болса, 2009 жылы 3036 адамды (1550 ер адам және 1486 әйел адам) құрады.[2]

2021 жылғы санақ қорытындысы бойынша 3231 адамды (1652 ер адам және 1579 әйел адам) құрады.[3]

Этимологиясы

[өңдеу | қайнарын өңдеу]

Атау екі компоненттен тұрады: жам және бой. "Жам" сөзі жергілікті тілде теңіздің терең, әрі өзек жерлері деген мағынасына келсе, ал "бой" сөзі селоның географиялық орналасу жағынан, яғни Каспий теңізінің бойлық қойнауына сұғынып жатқандығынан шыққан.

Іргесі 1930 жылдың бас кезінде ауыл шаруасын ұжымдастыруға байланысты қаланды. 1957 жылы “Забұрын” Қаракөл қой кеңшарының орталығына айналды. 1997 жылдан мұнда шаруа қожалықтары ұйымдастырылды.

Елді мекендегі көшелер

[өңдеу | қайнарын өңдеу]
  • Арон Аюпов атындағы көше
  • Мағаз Есқалиев атындағы көше
  • Көбен Жұмалиев атындағы көше
    Жанбай ауылындағы қызыл балыққа қойылған ескерткіш
  • Тайыр Нысанов атындағы көше
  • Мүсілім Нұрмұханов атындағы көше
  • Зинеден Құрасұлы атындағы көше
  • Хамидолла Нәубетов атындағы көше
  • Амангелді Иманов атындағы көше
  • Сәкен Сейфуллин атындағы көше
  • Бауыржан Момышұлы атындағы көше
  • Исатай Тайманұлы атындағы көше
  • Мектеп көшесі
  • Егемен Қазақстан көшесі
  • Қызылбас көшесі
  • Қазақауыл көшесі
  • Нарын көшесі

Инфрақұрылымы

[өңдеу | қайнарын өңдеу]

Ауылда 8 азық-түлік дүкені, 3 шаруашылық дүкені, 2 кафе, 1 базар, 2 май құю бекеті, 1 наубайхана, 1 дәріхана, 1 көлік жуу орны, 2 тойхана сияқты кәсіпкерлік нысандар халыққа қызмет етіп келеді. 1 емхана, 1 пошта байланыс бөлімшесі, 1 АТС орталығы, 1 саз мектебі, 1 орта мектеп, 1 мәдениет үйі, 1 балабақша, Жанбай дәрігерлік амбулаториясы жұмыс жасайды.(2018 ж.).[4]

  • Х.Наубетов атындағы орта мектеп — мектеп 1992 жылдан бастап қос Ленин орденді, ҚазКСР-іне еңбегі сіңген мұғалім Хамидолла Нәубетов есімімен аталады. Мектеп үйі 1984 жылы қолдануға берілген. Стандартты ғимарат 574 оқушыға арналып салынған. Мектептің жалпы ауданы 4600 м2, жұмыс істеп тұрған ауданы 2344 м2, Сынып бөлмелері және оқу кабинеттері 19.[5]

Мектепке дейінгі балалар мекемесі

[өңдеу | қайнарын өңдеу]
  • «Балдәурен» бөбекжай-бақшасы — 1990-1991 жылы 2 қабатты 140 орынды балабақша іске қосылып, 1993 жылы ауылдағы "Айгөлек" балалар бақшасы „Балдәуренге“ біріктірілді.

Саз мектебі

[өңдеу | қайнарын өңдеу]
  • Жанбай балалар саз мектебі — алғаш рет 1988 жылы құрылған. Қазіргі кезде (2018) 90 оқушы білім алып, 25 оқушыдан құрылған ұлт-аспаптар оркестрі, хор, ұстаздардан құрылған фольклорлық ансамбль жұмыс жасайды.

Жауапкершілігі шектеулі серіктестіктер

[өңдеу | қайнарын өңдеу]

11 Шаруа Қожалығы бар. Оларда 1255 мүйізді ірі қара, 1356 қой, 166 ешкі, 847 жылқы, 193 түйе малы бар. Сонымен қатар "АЛАША-АТЫРАУ" ЖШС - (тұщы суда балық аулау), "АМАННАТ" ЖШС - (инженерлік ғимараттар құрылысы), "SENIM SUPPLY" ЖШС - (бөлшек саудада сату) т.б.жұмыс жасайды.

Діни ұйымдар қызметі

[өңдеу | қайнарын өңдеу]
Әйтеке би мешіті
  • Әйтеке би мешіті — Сыйымдылығы 300 орындық. 2021 жылы берілді. Жанбай ауылы мен аудан тұрғындарының демеушілігімен тұрғызылды.[6]

Дереккөздер

[өңдеу | қайнарын өңдеу]