Жетіжол

Уикипедия — ашық энциклопедиясынан алынған мәлімет
Jump to navigation Jump to search
Жетіжол
Сипаттамасы
Тау жүйесі

Іле Алатауы

Пайда болған кезеңі

тас көмір

Ұзындығы

85 км

Ені

25 км

Ең биік шыңы

Суықтөбе тауы

Биіктігі

3273 м

Орналасуы
Елдер

 Қазақстан, Алматы облысы Жамбыл ауданы

ЖетіжолІле Алатауының батысындағы жота.

Географиялық орны[өңдеу]

Алматы облысы Жамбыл ауданы жерінде орналасқан. Сілемнің батысы Кіндіктас жотасына ұласады. Шығысында Іле Алатауынан Қастек асуы және Қарақастек өзені арқылы бөлініп жатыр. Абсолюттік биіктігі 3273 м (Суықтөбе тауы), ұзындығы 85 км, енді жері 25 км.

Геологиялық құрылымы мен жер бедері[өңдеу]

Негізінен тас көмір кезеңінің кристалдық тақтатасынан, гнейстен, кейбір тұсында жер бетіне шығып жатқан гранитоидтардан түзілген. Жер бедері орта таулық, жалдары тегістелген, беткейлері тік, сай-жыралармен тілімденген.

Су торабы[өңдеу]

Іле мен Шу өзендерінің суайрығы саналатын жотаның баурайынан Ырғайты, Жанысай, Жіңішке, Ешкілі, Жиренайғыр, Жаманты, т.б. өзендер бастау алады.

Климаты, өсімідігі[өңдеу]

Жетіжолда бірнеше ландшафттық-климаттық белдеулік байқалады. Тауалдының далалық қоңыр топырақты белдеуінде (800 – 1400 м) бидайық, тарғақ шөп, бозшағыл, т.б. шөптесіндер өседі. 1400 – 2600 м биіктіктегі шалғынды қара топырақты жерлерінде орман сирек кездеседі, үстіртті-жонды белдеуінде (2600 м-ден биікте) доңызот, самалдық, байғұт, субальпілік шалғын өскен. Жетіжолдың баурайы мал жайылымына пайдаланылады. [1]

Дереккөздер[өңдеу]

  1. "Қазақ Энциклопедиясы"