Киноварь

Киноварь– сульфидтер класының минералы. Химиялық формуласы HgS. Тригональдық сингонияда кристалданады. Кристалдары жапырақ, ромбоэдр, кейде призма пішіндес, агрегаттары түйірлі масса құрайды. Түсі ашық қызылдан қою қызылға дейін, қатаңдығы 2 – 2,5; меншікті салмағы 8 – 8,2 г/см3; алмастай жылтыр. Киноварь төмен температуралы гидротермальдық кендерде кварц, кальцит, флюорит, барит, антимонит, пирит, марказит, сфалерит, халькопирит, реальгар минералдарымен бірге әрекетті жанартаулы аймақтарда түзіледі. Одан сынап, бояу заттары өндіріледі.