Ләззат Мәдиқызы Маралбаева

Ләззат Мәдиқызы Маралбаева (24.03.1951, Көкшетау қаласында туған) - суретші. Қазақ.

• Алматы сәулет-құрылыс институтын (1976) сәулетші мамандығы бойынша; Қазақ бас сәулет-құрылыс академиясының аспирантурасын (1988) бітірген.

Шығармашылығы

• Кеңестік Қазақстан Энциклопедиясы мақалаларының (1991), ғылыми жинақтардағы жарияланымдардың, «Кеңестік Қазақстан сәулеті» монографиясындағы иллюстрациялардың авторы (1987).
• «Компаньондар. Суретшілер» телехабары сценарийінің авторы, режиссері, жүргізушісі (1998)
• 5-минуттық «Сурет салғанды ұнатамын» фильмінің авторы (1998).
• Француз балеринасы Паскалина Ноель-Одегонның Филипп Гластың музыкасына қойған қойылымындағы «Опущенный взгляд» («Төмен қараған көздер») модерн-балеті декорацияларының авторы (1997).
• Қалалық, республикалық және шетелдік көрмелерге белсене қатысады.
• 1996 жылдан Еуропада жұмыс істеп, көрмелерге қатысады.
• 2002 жылдан бері жыл сайын 2-5 ай бойына Парижде, Тулуза маңындағы жазғы шеберханаларда жұмыс істеп, көрмелерін өткізеді.
• Жыл сайын желтоқсан айында Луврде, Carroussel du Louvre, Paris өтетін Salon SNBA атты ең көне көркем өнер салонына (2007, 2008); Осака, Аичи, Тойяма (2004, 2008, 2009), Фонтенбло қалаларының муниципалдық мұражайларындағы «Адамзат Жан Миллеге» қауымдастығының халықаралық көрмелеріне, Қазақстанның мәдени бағдарламасына (желтоқсан, 2008, Луардағы Chateau de Beauregard қамалындағы салон (сәуір, 2009) қатысқан.

Туындылары Бельгияда - Брюссель мен Антверпенде, Германияда - Бонн мен Франкфуртта, Италияда - Рим, Минори мен Фурорда, Люксембургте, Ресейде - Қазанда, АҚШ-та - Нью-Йоркте, Францияда - Кутанс, Тулуза мен Парижде, Жапонияда - Осака, Аичи және Тойямада, Қазақстанда - Алматы, Астана қалаларында көрмеге қойылған.

Жетістіктері

• ҚР Сәулетшілер одағының мүшесі.

• Hommage a Jean Millet мүшесі.

• AIEL (Academie Internationale I'Ecole de la Loire) қауымдастығының мүшесі.
• Дипломдары, сертификаттары, грамоталары бар.

Отбасы

• Әкесі - Маралбаев Мәди Темірболатұлы (1911-1992), ҰОС ардагері, Қазтұтынуодағында жұмыс істеген.
• Анасы - Ізтілеуова Кәлима Хабибқызы (1924-1992), тыл майданының ардагері, Балық шаруашылық министрлігінде қызмет еткен.
• Қыздары - Қарпықова Жанел (1980 жылы туған), галерея қызметкері, итальян тілінің мұғалімі;
• Қарпықова Алуа (1982 жылы туған), жарнама агенттіктерінде PR-директор болып жұмыс істеген;
• ұлдары - Қарпықов Сәдуақас (1982 жылы туған), «БурдаАлатауПресс» бас дизайнері;
• Қарпықов Әбілқайырхан (1992 жылы туған), Қазақ-неміс университетінің студенті.
• Немерелері - Арлан (2008 жылы туған), Алан (2008 жылы туған).

Сыртқы сілтемелер

• Суретші Ләззат Мәдиқызы Маралбаева Мұрағатталған 8 қаңтардың 2019 жылы.
• Маралбаева Ляззат Мұрағатталған 9 желтоқсанның 2018 жылы.