Максим Павлович Низовцев

Уикипедия — ашық энциклопедиясынан алынған мәлімет
Jump to navigation Jump to search

Максим Павлович Низовцев (9 қыркүйек 1972 жыл, Қостанай, Қазақ КСР, КСРО) — кеңестік және қазақстандық футболшы. Қазақстан Ұлттық футбол құрамасының экс-жартылай қорғаушысы.

Карьерасы[өңдеу]

Қостанай футболының түлегі. Карьерасын 1991 жылы "Кустанаец" клубында бастаған. Клуб сапында КСРО-ның соңғы чемпионатында ойнады да, келесі жылы Қазақстанның жоғары тобына автоматты түрде жолдама алды. 1995-2003 жылдар аралығында Ресей клубтарында ойнап, 2004 жылы Қостанайға оралды.

Қазақстан Ұлттық футбол құрамасындағы алғашқы ойынын 1994 жылы 11 сәуірде Тәжікстанға қарсы өткізді. Ойын барысында Николай Курганскийдің орнына алаңға шықты. 1996 жылғы Азия Кубогының іріктеу турнирінде Катардың қақпасына өзінің құрама сапындағы алғашқы голын енгізді. 1997-2003 жыл аралығында құрамаға мүлде шақырылмады. 2004 жылы қайта шақырылып, 2006 жылғы әлем чемпионатының іріктеу турниріндегі бірнеше матчқа қатысып, 2005 жылы 3 қыркүйекте сырт алаңда Албанияның қақпасына гол соқты.

Ұлттық құрамада 16 ойын өткізіп, 2 доп соққан.

2009 жылы бапкерлік ғұмырын бастап, кезінде өзі ойнаған Калиниградтың "Балтика" жастар командасын екі жылдай жаттықтырды. Низовцевті "Тобылға" бапкер ретінде шақыру жайлы да сөз қозғалған болатын бірақ, команда директоры Николай Панин "Низовцевтің бапкерлік лицензиясы жоқ, сол себепті де клубқа жаттықтырушы бола алмайды" деп ол идеяны қуаттамады.

Жетістіктері[өңдеу]

  • Қазақстанның күміс жүлдегері: 2005, 2006
  • Қазақстанның қола жүлдегері: 2004
  • Ресейдің қола жүлдегері: 1999

Көрсеткіштері[өңдеу]

Жж клуб Матч Гол
1991 КСРО Кустанаец 27 (2)
1992—1994 Қазақстан Химик 99 (43)
1995—1999 Ресей Балтика 121 (29)
1999 Ресей ЦСКА 2 (0)
2000 Ресей Балтика 22 (4)
2001 Ресей Сокол 29 (2)
2002—2003 Ресей Черноморец 36 (3)
2004—2005 Қазақстан Тобыл 64 (27)
2006 Қазақстан Ақтөбе 28 (3)
2008 Қазақстан Восток 24 (4)

Басқа да фактілер[өңдеу]

Әкесі Павел Низовцев те кәсіби футболшы болған. Қостанайдың "Автомобилист" клубында ойнаған.

Сыртқы сілтемелер[өңдеу]