Малайсары жотасы
| Малайсары жотасы | |
 Малайсары жотасы | |
| Сипаттамасы | |
|---|---|
| Тау жүйесі |
Жетісу (Жоңғар) Алатауы |
| Ұзындығы |
80-85 км |
| Ені |
20 км |
| Биіктігі |
1406 м |
| Орналасуы | |
|
44°28′34″ с. е. 77°23′57″ ш. б. / 44.47611° с. е. 77.39917° ш. б. (G) (O) (Я)Координаттар: 44°28′34″ с. е. 77°23′57″ ш. б. / 44.47611° с. е. 77.39917° ш. б. (G) (O) (Я) | |
| Елдер |
|
|
| |
|
| |
Малайсары жотасы – Жетісу (Жоңғар) Алатауының оңтүстік-батысында, Іле өзенінің оң жағалауынан бастап ендік бағытта созылып жатқан жота.
Географиялық орны
[өңдеу | қайнарын өңдеу]Алматы облысы Талғар және Жетісу облысы Кербұлақ аудандары жерінде орналасқан. Солтүстігінде Мойынқұм құмымен, оңтүстігінде Итжон үстіртімен шектеседі. Жота батыстан (718 м) шығысқа (1406 м) қарай биіктейді, жалпы ұзындығы 80-85 км, енді жері 20 км-ге жетеді.
Жер бедері
[өңдеу | қайнарын өңдеу]Солтүстігі мен оңтүстігінің адырлы беткейлері қатты тілімделген. Олардан жаз айларында құрғап қалатын шағын өзендер бастау алады.
Климаты
[өңдеу | қайнарын өңдеу]Климаты тым континентті. Ауа райының орташа температурасы қаңтарда -8-12°С (кейде -34°С-ке дейін төмендейді), шілде айында 24-28°С (кейде 35°С-қа дейін жоғарлайды). Жауын-шашынның орташа мөлшері қыс айларында 50-200 мм, жаз айларында 150-180 мм.
Топырағы, өсімдігі мен жан-жануарлары
[өңдеу | қайнарын өңдеу]Топырағы батысында - сұр, шығысында - бозғылт қоңыр. Өсімдіктері - жусан, бетеге, селеу, көде, қау, ебелек аралас әр түрлі шөптер. Жота қойнауын тышқан, кесіртке, жылан, т.б. жәндіктер, торғай, бұлдырық т.б. құстар мекендейді.
Елді-мекендері
[өңдеу | қайнарын өңдеу]Жота баурайында қыстаулар (Тоғызқұдық, Қопалы, Малайсары, т.б.), қоныстар (Көкбастау, Кербұлақ, т.б.) мен бұлақтар орналасқан. Шығысындағы Кербұлақ ауданының орталығы Сарыөзек ауылы маңында Малайсары жотасының етегімен Түрксіб темір жолы және Алматы-Өскемен автомобиль жолы өтеді.[1]
Дереккөздер
[өңдеу | қайнарын өңдеу]- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5