Нұртілеу Иманғалиұлы Иманғалиев

Нұртілеу Иманғалиұлы
Туған күні	1952 (1952)
Туған жері	Алматы облысы, Ақсу ауданы, Діңгек ауылы
Қайтыс болған күні	17 ақпан 2021 (2021-02-17)
Азаматтығы	Қазақстан
Ұлты	қазақ
Қызметі	«Қазақстан» РТРК» АҚ Басқарма төрағасының кеңесшісі
Жұбайы	Айтекина Саламат Темірғалиқызы (1952-2001)
Балалары	Жанар, Гүлнәр, Динара
Марапаттары мен сыйлықтары	Қазақстанның еңбек сіңірген қайраткері

Нұртілеу Иманғалиұлы Иманғалиев (1952 жыл, Алматы облысы, Ақсу ауданы, Діңгек ауылы, — 17 ақпан 2021 жыл). Үйдегі 14 баланың кенжесі. Атасы, Қалиасқар, бес жасында сауатын ашқан. «Қазақстан РТРК» АҚ Басқарма төрағасының кеңесшісі, Қазақстан Журналистер одағы сыйлығының екі мәрте лауреаты, «Алтын Жұлдыз» сыйлығының иегері, ҚР мәдениетіне еңбегі сіңген қайраткер, Қазақ Ұлттық Өнер академиясының кұрметті профессоры, Ақсу ауданының «Құрметті Азаматы».

Найман тайпасының Матай руының Шоқан бұтағының Мысық болыс атанған атасынан шыққан.

Білімі

1977 жылы ҚазМУ-ді бітірген

Қызметтік өтілі

Қазақ телевизиясында тілші, редактор, аға редактор, комментатор, бас редактор, саяси шолушы, директордың орынбасары, «Хабар» агенттігінде модератор-жүргізуші, одан кейін Үкімет кеңсесінде сектор меңгерушісі, Президент Әкімшілігінде бас маман болып істеген. Коррупцияға күрес жөніндегі мемлекеттік комиссиясының мүшесі. «Қазақстан» РТРК» АҚ Басқарма Төрағасы қызметін атқарған. Н.Иманғалиұлы тележурналистикадан айнымаған тұлға. Ғұмырының 45 жылын телевизияға арнаған.

Жүргізген хабарлары

Алғашқы хабарының бірі «Жадыңда ма, жолдас?!». Содан бері талайдың санасын қозғаған, саяси-әлеуметтік салмағымен, әсіресе шыншылдығымен телекөрерменнің есінде сақталған бағдарламалары:

• «Жас жігер»
• «Көзқарас»
• «Алтыбақан»
• «Айна»
• «Заң мен заман»
• «Ақиқат пен аңыз»
• «Дидар»
• «Жастар дауысы»
• «Арай»
• «Көкпар»
• «Ой-көкпар»
• «Бетпе-бет»
• «Дін мен діл»
• «Арнайы репортаж»
• «Діңгек»
• «Қолтаңба»
• «Нұр Тілеу» т.б.

Марапаттары

• 2001 жылы Қазақстан Республикасының Құрмет грамотасының иегері;
• Қазақстан журналисттер одағы сыйлығының екі мәрте лауреаты;
• «Алтын жұлдыз» сыйлығының иегері;
• Қазақ ұлттық өнер академиясының Құрметті профессоры;
• «Мәдениет қайраткері» төсбелгісінің иегері;
• «Қазақстан ақпарат саласының үздігі» атағы;
• 2010 жылы елбасының жарлығымен «Қазақстанның еңбек сіңірген қайраткері» құрметті атағымен марапатталды.
• 2015 жылы «Қазақстан халқы ассамблиясына 20 жыл» мерекелік медалі;
• «Хабар агенттігіне 20 жыл» мерекелік төсбелгі;
• Ақсу ауданының құрметті азаматы.

Сыртқы сілтемелер

• «Қазақстан» РТРК» АҚ ресми веб-порталы
• «Қазақстан» Ұлттық телеарнасының ресми сайты Мұрағатталған 28 шілденің 2014 жылы.