Нұрғожа Нарымбайұлы Оразов

Нұрғожа Нарымбайұлы Оразов (20.10.1932 жылы туған, Қостанай облысы Урицкий ауд. "Маяк" кеңшары) - ақын. Қазақстанның еңб. сің. мәдениет қызметкері (1998). Атырау педагогикалық училищесін (1950), ҚазҰУ-ды (1956) бітірген. 1950 - 1958 жылдары мектепте мұғалім, 1958 - 63 жылдары Қостанай облыстық газетінде, 1963 - 65 жылдары "Тың өлкесі" газетінде қызмет істеген. 1965 жылдан Целиноград (қазіргі Ақмола) облысаралық бөлімшесінде жауапты хатшы, "Жаңа Сарыарқа" журналының бас редакторы қызметтерін атқарған. Тырнақалды туындылары 1952 жылдан респ. баспасөз бетінде жариялана бастаған. Алғашқы топтамасы "Жас жүрек" жас ақындар жинағына енген (1956). Оразовтың топтама өлеңдері украин, орыс, қырғыз тілдеріне аударылған. "Астана" және "Тәуелсіздіктің 10 жылдығы", "Тың және тыңайған жерлерді игергені үшін" медальдарымен марапатталған.