Серік Қалжанұлы Мұхамбетов

Серік Қалжанұлы Мұхамбетов 1949 жылы 6 сәуірде Гурьев облысы Қызылқоға ауданының Қарабау ауылында туған. Қазақ. С.М. Киров атындағы қазақ мемлекеттік университетін (1976) журналист мамандығы бойынша; Қазақстан менеджмент, экономика және болжау институтын (1993) саясаттанушы мамандығы бойынша бітірген. Қазақ және орыс тілдерін біледі. 1966 жылдың қыркүйегінен - Доссор іріленген мұнай кәсіпшілігінің слесарь-сантехнигі, 1966 жылдың желтоқсанынан - өлшеушісі. 1967 жылдан - Батыс Қазақстан ауыл шаруашылығы институтының студенті. 1969 жылдан - «Мұнайшы» аудандық газетінің әдеби қызметкері, 1973 жылдан - бөлім меңгерушісі, 1976 жылдан - жауапты хатшысы (Гурьев облысы Мақат ауданы Доссор кенті). 1977 жылдан - Гурьев облысы Мақат аудандық Қазақстан ЛКЖО комитетінің бірінші хатшысы. 1978 жылдан - Гурьев облысы Мақат аудандық Қазақстан ЛКЖО комитетінің үгіт және насихат бөлімі меңгерушісінің орынбасары - саяси ағарту кабинетінің меңгерушісі. 1979 жылдан - Гурьев облысы Мақат аудандық Қазақстан ЛКЖО комитетінің үгіт және насихат бөлімінің меңгерушісі. 1987 жылдың қаңтарынан - Қазақстан Компартиясы Гурьев облыстық комитеті үгіт және насихат бөлімінің нұсқаушысы, 1987 жылдың қыркүйегінен - үгіт және насихат бөлімі ұлттық қатынастар сек- торының меңгерушісі. 1988 жылдан - Қазақстан Компартиясы Гурьев облыстық комитеті ұлатаралық қатынастар жөніндегі кеңес берушісі, 1990 жылдың қаңтарынан - идеология бөлімінің нұсқаушысы. 1990 жылдың сәуірінен - Гурьев облысы Мақат аудандық Қазақстан Компартиясы комитетінің екінші хатшысы. 1991 жылдың қыркүйегінен - БКК ұйымдастыру комитетінің төрағасы (Гурьев облысы Мақат ауданы Мақат кенті). 1991 жылдың қарашасынан - аудандық еңбекпен қамсыздандыру орталығының директоры (Мақат кенті). 1992 жылдан - Атырау облыстық әкімшілігі басшысы аппаратының әлеуметтік-мәдени мекемелер мен ұлатаралық қатынастарды үйлестіру бөлімінің бас кеңес берушісі. 1993 жылдан - Атырау облыстық әкімшілігі басшысы аппаратының ішкі саясат бөлімінің меңгерушісі. 1994 жылдан - Атырау облысы Мәдениет басқармасының бастығы. 1998 жылдан - Атырау облысының әкімі аппаратының ішкі саясат және әлеуметтік сала бөлімінің меңгерушісі. 1999 жылдың сәуірінен - Атырау облыстық ақпарат және қоғамдық келісім басқармасы ішкі саясат, талдау және тілдерді дамыту бөлімінің бастығы, 1999 жылдың тамызынан - қоғамдық қатынастарды талдау және насихат бөлімінің бастығы. 2002 жылдан - Атырау облыстық ақпарат және қоғамдық келісім басқармасы талдау және тілдерді дамыту бөлімі бастығының орынбасары, бастығы. 2003 жылдың сәуірінен - Атырау облыстық ақпарат және қоғамдық келісім басқармасы талдау және тілдерді дамыту бөлімі бастығының м.а., 2003 жылдың мамырынан - бөлім бастығының орынбасары, бастығы. 2007 жылдың сәуірінен - Атырау облысы әкімі аппаратының бас маманы, ұйымдастыру-инспекторлық бөлімінің меңгерушісі. 2007 жылдың қыркүйегінен - Атырау облысы Мәдениет басқармасы бастығының орынбасары. 2008 жылдың желтоқсанынан - Атырау облысы Мәдениет басқармасы бастығының м.а. 2009 жылдың наурызынан 2010 жылдың шілдесіне дейін - «Атырау облысы Мәдениет басқармасы» MM бастығы. «Астананың 10 жылдығы» медалімен марапатталған (2008).