Доссор

Уикипедия — ашық энциклопедиясынан алынған мәлімет
Jump to navigation Jump to search
Кент
Доссор
Dossor.JPG
Әкімшілігі
Ел

 Қазақстан

Облысы

Атырау облысы

Ауданы

Мақат ауданы

Кенттік әкімдік

Доссор кенттік әкімдігі

Тарихы мен географиясы
Координаттары

47°31′38″ с. е. 52°58′52″ ш. б. / 47.52722° с. е. 52.98111° ш. б. / 47.52722; 52.98111 (G) (O) (Я)Координаттар: 47°31′38″ с. е. 52°58′52″ ш. б. / 47.52722° с. е. 52.98111° ш. б. / 47.52722; 52.98111 (G) (O) (Я)

Құрылған уақыты

1911

Климаты

қатаң континенталды

Уақыт белдеуі

UTC+5:00

Тұрғындары
Тұрғыны

11 470 адам (2009)

Сандық идентификаторлары
Автомобиль коды

06

Доссор картада
Доссор
Доссор
Доссор картада
Доссор
Доссор

ДоссорАтырау облысының Мақат ауданындағы кент, темір жол стансасы, Доссор кенттік әкімдігінің орталығы. Аудан орталығы — Мақат кентінен батысқа қарай 28 км жерде, Каспий маңы ойпатының шығыс жағындағы шөлдік белдемде, Дос атты сордың шетінде орналасқан.

Халқы[өңдеу | қайнарын өңдеу]

  • 11 470 адам
  • 9283 адам

Тарихы[өңдеу | қайнарын өңдеу]

Іргесі 1911 жылы ЖайықЖем өңірінде ашылған тұңғыш мұнай кенін игеру негізінде қаланған. Доссорда 1911 жылы тұрғын үйлер көптеп салына бастады. “ОралКаспий” қоғамы қазіргі кенттің солтүстігіне, “Ағайынды Нобельдер” қоғамы солтүстік-батысына, “Қосалқы кәсіпорындар жолдастығы” оңтүстігіне, “ЕмбіКаспий” қоғамы шығыс бетке құрылыс жұмыстарын жүргізді. Осы құрылыстардың шет жақтарында қазақ жұмысшыларының жертөлесі мен жеркепелері көбейе бастады; олар кейін “Қазақ ауылы” деген атқа ие болды. Кенттегі көзге түсер ғимараттардың барлығы осы арада шығарылған кірпіштен салынды. Доссордың ұлғаюына 1926 жылы салынған Гурьев (қазіргі Атырау) Доссор тар табанды және 1940 жылы тұрғызылған Гурьев — Қандыағаш кең табанды темір жолдарының салынуы игі ықпал жасады.

Кәсіпорындары[өңдеу | қайнарын өңдеу]

Мұнда “Ембімұнай” бірлестігіндегі мұнай өндіретін ірі орталықтардың бірі “Доссормұнай” мұнай өндіру кәсіпшілігі, оның басқармасы, автомобиль жөндеу зауыты, Атырау мұнай барлау экспедициясының механикалық шеберханасы, “Ембімұнай” бірлестігінің құрылыс-монтаж басқармасы, жол-құрылыс және тұрмыс қажетін өтейтін кәсіпорындар т.б. бар. Тұрғындары басқа елді мекендермен сор арасындағы өткелге салынған автомобиль және темір жолдары арқылы байланысады[1].

Әлеуметтік және мәдени нысандары[өңдеу | қайнарын өңдеу]

Мектептер[өңдеу | қайнарын өңдеу]

  • А.Құнанбаев атындағы орта мектеп — 1950 жылы 280 орындық жеті жылдық мектепке арналып салынды.
  • О.Сарғұнанов атындағы орта мектеп
  • Б.Қанатбаев атындағы орта мектеп
  • С.Шарипов атындағы Доссор мектеп интернаты
  • Р.Ғабдиев атындағы балалар өнер мектебі — 1962 жылы құрылды. Ұйымдастырушысы және алғашқы директоры Рысбай Ғабдиев.

Колледж[өңдеу | қайнарын өңдеу]

  • Мұнай және газ технологиялық колледжі — Доссордағы Мақат мұнай және газ технологиялық колледжінің негізі РУ - 19 (ремесленное училище) болып қаланған. 2012 жылы Мақат мұнай және газ технологиялық колледжі болып қайта құрылды.[2]

Мектепке дейінгі балалар мекемелері[өңдеу | қайнарын өңдеу]

  • «Қарлығаш» бөбекжай-балабақшасы
  • «Ботақан» бөбекжай-балабақшасы
  • «Сандуғаш» бөбекжай-балабақшасы

Денсаулық сақтау[өңдеу | қайнарын өңдеу]

  • Мақат өкпе ауруларға қарсы ауруханасы

Мәдениет[өңдеу | қайнарын өңдеу]

  • Доссор мәдениет үйі
  • Тарихи өлкетану музейі

Діни ұйымдар қызметі[өңдеу | қайнарын өңдеу]

  • «Сатен - Шәмек» мешіті — Доссор кентінде 1992 жылы салынған. 2000 жылы күрделі жөндеуден өткізіліп, құрылысы өзгертілді. Ғибадатхана үш үлкен залдан: екі ерлер залы, бір әйелдер залынан тұрады. Жалпы ауданы 495 шаршы метр. Пайдалы алаңы 255,6 шаршы метр. Қабырғасының биіктігі 4, сыртқы есігінің биіктігі 2 метр, көк түсті жылтыр әйнек іспеттес материалмен көмкерілген және дулыға сияқты келіп, айналасы ақ түсті өрнекпен безендірілген. 4 метрлік төрт мұнарасы бар.[3]

Кент суреттері[өңдеу | қайнарын өңдеу]

Дереккөздер[өңдеу | қайнарын өңдеу]

  1. Қазақ энциклопедиясы
  2. https://mtkig.kz/kz/kolledzh-tarikhy.html Колледж тарихы
  3. https://www.muftyat.kz/kk/mosque/3170/ «Доссор» мұсылмандар мешіті