Таскескен (Абай облысы)

Ауыл
Таскескен
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Абай
Ауданы	Үржар
Ауылдық округі	Қоңыршәулі
Тарихы мен географиясы
Координаттары	47°13′24″ с. е. 80°47′42″ ш. б.47.22333° с. е. 80.79500° ш. б. / 47.22333; 80.79500
Құрылған уақыты	1928
Уақыт белдеуі	UTC+5:00
Тұрғындары
Тұрғыны	▼ 2404 адам (2021)
Сандық идентификаторлары
Автомобиль коды	18
Таскескен Таскескен
Таскескен шекарасы

 Басқа мағыналар үшін Таскескен деген бетті қараңыз.

Таскескен — Абай облысы Үржар ауданындағы ауыл, Қоңыршәулі ауылдық округі орталығы.

Географиялық орны

Аудан орталығы – Үржар ауылынан солтүстік-батысқа қарай 70 км-дей жерде. Қарауылтөбенің етегінде, Тарбағатай тау жоталарының күнгей беткейінде, ойпаңда орын тепкен. Ауыл ортасынан Қарақол өзені ағып өтеді.

Халқының саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
4225	▼ 2999	▼ 2404	80,2	1460	▼ 1216	83,3	1539	▼ 1188	77,2

Тарихы

Ауыл іргесі 1928 жылы ауыл шаруашылығын ұжымдастыруға байланысты қаланған. 1970 жылы ұжымшар негізінде құрылған сүт өндіру бағытындағы “Қазақстан” кеңшары мен Қоңыршәулі ауылдық кеңесінің орталығына айналды. 1981 – 97 жылдар аралығында өзімен аттас ауданның орталығы болды. Оның негізінде мұнда бірнеше шаруа қожалықтары мен ӨК-тер құрылды. Округте мал шаруашылығы және жер өңдеу кәсібі қатар дамыған. Жеке кәсіпкерлер негізінен күнбағыс, картоп, қарбыз өсірумен шұғылданады. Суармалы жер алабы мол.

Инфрақұрылымы

Ауылда жалпы білім беретін екі мектеп пен бір Үржар колледжі (бұрынғы училище) бар. Сондай-ақ, мәдениет үйі, пошта байланысы, мешіт қызмет көрсетеді. Таскескен мешіті тек ШҚО бойынша ғана емес, республика көлемінде Тәуелсіздік алғаннан кейін алғаш салынған ғибадат үйлерінің қатарында. Оның іргетасы 1991 жылы қаланған болатын.