Теміржол ауылдық округі (Алматы облысы)

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан ауылдық округі
Теміржол ауылдық округі
Облысы

Алматы облысы

Ауданы

Жамбыл ауданы

Округ орталығы

Қазыбек бек

Енеді

1 ауыл

Тұрғыны (2021)

5100

Уақыт белдеуі

UTC+5:00

Автомобиль коды

05

 Басқа мағыналар үшін Теміржол ауылдық округі деген бетті қараңыз.

Теміржол ауылдық округіАлматы облысы Жамбыл ауданындағы әкімшілік бірлік.

Әкімшілік құрамы[өңдеу | қайнарын өңдеу]

Құрамына кіретін жалғыз елді мекен әрі әкімшілік орталығы – Қазыбек бек ауылы [1]

Халқының саны (2009, 2021)[2]
Елді мекен 2009 2021 2021 2009-ға пайызбен Ерлер 2009 Ерлер 2021 2021 2009-ға пайызбен Әйелдер 2009 Әйелдер 2021 2021 2009-ға пайызбен
Қазыбек бек ауылы 4722 5100 108 2376 2620 110,3 2346 2480 105,7

Ауылдық округ әкімінің 2012 жылғы есебі[өңдеу | қайнарын өңдеу]

Жер көлемі 114 341 га, оның ішінде, елді мекен аумағы - 463 га, ауылшаруашылық жерлері – 113 878 га құрайды. Округтегі 902 отбасында 6012 адам тұрады. Олар 11 ұлт өкілдерін құрайды. Барлығы 348 зейнеткер, І,ІІ және ІІІ топтағы 148 мүгедек, 103 «Алтын алқа» және «Күміс алқа» иелері, 4 Ауған соғысы ардагерлері бар. Округ аумағындағы 35 мекеме ұжымдарында 1300 ауыл тұрғындары жұмыспен қамтылған. Қазыбек бек бекетінде 1176 орындық Ұзынағаш орта мектебінде 71 мұғалім жұмыс істеп, 790 оқушы білім алуда. 2011-2012 оқу жылында біріңғай ұлттық тестілеуге мектеп бітіруші 60 баланың 51-і қатысып, 9 оқушы мемлекеттік емтихан тапсырды. Тестілеу нәтижесінде орташа баға 82 пайызды құрап, аудан бойынша 43 мектеп ішінде 13-ші орынды иеленді. Оқу бітірген 60 баланың 23-і жоғарғы оқу орындарына, 15-і колледжге оқуға түсті. 2012 жылы мектеп ғимаратына 283 млн. теңгеге күрделі жөндеу жұмыстары жүргізілді. Мұғалімдердің орташа айлығы - 60 000 теңгені құрады. Денсаулық саласы бойынша халыққа қызмет көрсететін 1 ауылдық ауруханада 15 төсек орындық стационар бөлімі, 6 орындық күндізгі стационар, күніне 75 адам қабылдауға мүмкіндігі бар амбулатория бөлімі қызмет атқарады. Бүгінгі күнде ауылдық ауруханада 4 жоғары дәрежелі дәрігерлер және 13 орта буынды медициналық қызметкерлер жұмыс істейді. Жыл басынан бері 160 адам емделіп шықты, тегін дәрі-дәрмек 920 адамға берілді. Дәрігерлердің орташа айлығы – 86,0 мың теңге, медбикелердің орташа айлығы – 60,0-65,0 мың теңге құрады. 2012 жылы 128 бала туылып, 34 адам қайтыс болды. Округ аумағындағы 75 орындық «Балауса» балабақшасында 25 бала тәрбиеленуде, 23 ауыл тұрғыны жұмыспен қамтылған, орташа айлық еңбекақылары 41,7 мың теңгені құрайды. Ауылдық пошта бөлімінде 4 адам, мәдениет үйінде 9 адам, 8100 кітап қоры бар ауылдық кітапханада 2 адам жұмыспен қамтылған. Ауылшаруашылығы саласы бойынша Теміржол ауылдық округі аумағындағы мал шаруашылығымен айналысатын ең ірі «Р-Күрті» ЖШС және шағын 26 шаруа қожалықтары бар. Бұл шаруа қожалықтарында барлығы 140 жуық ауыл тұрғындары жұмыс қамтылған. Ауылдық округ әкімінің 2012 жылғы есеп беру кездесулерінде 3 ұсыныс түсіп, барлығы орындалды.

Дереккөздер[өңдеу | қайнарын өңдеу]