Фредди Меркьюри

Фредди Меркьюри
Негізгі ақпарат
Туған кездегі есімі	Фаррух Бұлсара
Туған күні	5.09.1946 Стоун Таун, Занзибар
Қайтыс болған күні	24.11.1991 (age 45) Кенсингтон, Лондон, Англия
Белсенділік жылдары	1958 – 1991
Мамандықтары	Музыкант, Мәтін авторы, Продюсер
Аспаптары	Пианино, Гитара, Вокал
Жанрлары	Ауыр рок Хеви метал Прогрессивті рок Поп рок
Ұжымдары	Queen

Фредди Меркьюри (ағылш. Freddie Mercury; 5 қыркүйек 1946 — 24 қараша 1991) — британ Queen саз тобының әншісі. "Bohemian Rhapsody", "Killer Queen", "Somebody to Love", "We Are the Champions" және "Crazy Little Thing Called Love" әндерінің авторы. Топтағы өнерімен қатар, өзіндік шығармашылығымен айналысқан. Шын аты — Фаррух Бұлсара (ағылш. Farrokh Bulsara). Фредди Меркьюри 1991 жылы 24 қарашада өз ауруын жариялаған күннен кейін бір күн салып ЖИТС-тің кесірінен пайда болған бронхопневмония ауруынан қайтыс болды.

Топ сыншылардың арасында үлкен атаққа ие болмаса да, жалпы сатылған таспаларының саны 300 миллион данадан асып түседі. 2006 жылы Time Asia журналы Меркьюриді Азияның соңғы 60 жыл ішіндегі ең танымал адамдарының қатарына жатқызды. Бір жағынан ол өзінің ұлтын жасырып жүргені үшін сыналса, екіншіден өзінің АИВ ауруын құпияда сақтағаны үшін сыналды.

Өмірбаяны

Фредди Меркьюри 1946 жылы Занзибарда дүниеге келген, Занзибар ол кезде Британ отары болатын, қазір Танзанияға кіреді. Фреддидің ата-анасы Боми және Джер Булсара Британдық Үндістанның парсылары болатын. Боми жанұясын жұмысына байланысты Занзибарға көшірген. Фреддидің Кашмира есімді бір қарындасы бар.

Дереккөздер

Ортаққорда бұған қатысты медиа санаты бар: Freddie Mercury