Фундук
Фундук — Қырымда, Кавказда және Орта Азияда өсетін орман жаңғағының түрі. Жемістері ірі. Шикі және қуырылған жаңғақтар тәтті тағам ретінде және үй аспаздығында қолданылады.[1]
Ботаникалық сипаттамасы
[өңдеу | қайнарын өңдеу]Биіктігі 3-10 м үлкен бұта немесе ағаш. Діңгегі мен ірі бұтақтардың қабығы сұрғыш; жас өскіндер тығыз түскен, қызыл-жасыл; бір жылдықтары жалаңаш немесе сабақты бездері бар.
Бүршіктері кері жұмыртқа тәрізді, ашық қоңыр, гүлділері жапырақтыларына қарағанда едәуір үлкен. Жапырақтары дөңгелек жүрек тәрізді немесе кең сопақша, ұзындығы 7-12 см, ені 6-10 см, қысқа ұшталған және сәл қалақты, біркелкі емес қос тісті, жасыл немесе жиі қою қызыл, төменгі жағы ашық түсті және тамырлар бойымен түкті, ұзындығы 0,8-2 см құрайды. Бөбешік жапырақтары ұзын.
Аталық шоқ гүлдерінің ұзындығы 10 см-ге дейін, диаметрі 1 см-ге дейін.
Жемістері 3-6-дан, сирек 1-ден немесе 8-ге дейін, сабағында тығыздалған, ұзындығы 3 см-ге дейін. Төменгі бөлігіндегі орам біршама етті, жаңғақтың ұзындығынан екі есе ұзын, оны тығыз қаптап және оның үстінде тарыла түсетін түтікке керілген. Жаңғақ сопақша-жұмыртқа тәрізді, ұзындығы 2-2, 5 см, диаметрі шамамен 1,5 см.
Наурыз айында гүлдейді. Қыркүйек айында жеміс береді.
Дереккөздер
[өңдеу | қайнарын өңдеу]- ↑ Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.— Алматы: "Мектеп" баспасы, 2007. — 232 бет.ISBN 9965-36-414-1
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
| ||||||
