Халықаралық солақайлар күні

Уикипедия — ашық энциклопедиясынан алынған мәлімет
Jump to navigation Jump to search

"Халықаралық солақай күні" (ағылш. International Lefthanders Day) — бейресми мереке, ол сол қолды жақсырақ пайдаланатын адамдарға арналған (сол қолды адамдар).

"Халықаралық солақай күні" жыл сайын 13 тамызда атап өтіледі. Бұл күн алғаш рет 1976 жылы 13 тамызда Lefthanders International бастамасымен атап өтілді. Кейбір мәліметтерге сүйенсек, "солақай күні" алғаш рет 1992 жылы 13 тамызда Британдық солақай клубынан екі жыл бұрын құрылған.

Акцияның мақсаты - әр түрлі жабдықты өндірушілердің назарын солақай адамдардың проблемаларына аудару: оң қолдағы сол қолдарға арналған жабдықта жұмыс істеген кезде олар үшін табиғи емес қозғалыстар жасайды, нәтижесінде жүйке және бұлшықет стресстері жиі кездеседі. Нәтижесінде, 1991 жылы АҚШ-та жүргізілген зерттеуге сәйкес, солақайлар өндірістегі апаттарда жиі өледі.

Зерттеушілердің пікірінше, солақайлар жер шарындағы адамдардың шамамен 15 пайызын құрайды немесе әр 7 адамның бірі солақай. Солақайлар тамақ, жазу, басқа да қолмен атқарылатын істің барлығын сол қолмен орындайды. Сондықтан өмірде бірқатар қиыншылықтарға тап келеді. Мысалы, жазу құралдары, компьютер тінтуірі, асхана жиһаздары және басқа да түрлі бұйымдар оңқайларға арнап шығарылады. 

Көбінесе әйелдерге қарағанда ерлер солақай болады екен. Солақайлар ең көп кездесетін мекен – Оңтүстік және Оңтүстік-Шығыс Азия, Шығыс Еуропа, Аустралия мемлекеттері. Жер шарының солтүстікке қарағанда оңтүстік бөлігінде солақайлар көп кездеседі. Қазіргі күнде жер бетіндегі солақайлар саны 1 миллиардқа жақын. Еуропадағы туған сәбилердің 10 пайызы солақай боп өседі. Жыл сайын солақайлардың саны көбейіп келе жатыр. Сондықтан Халықаралық Солақайлар күні миллиондардың мерекесі десек қателеспейміз. 

Солақай балалар әртіс, суретші, жазушы сияқты өнер адамдары болуға бейім. Олар қылыштасу өнерімен, үстел теннисімен де көбірек айналысады. 2014 жылғы статистикаға қарағанда, әлемдегі ең мықты 20 теннисші солақай. Сондай-ақ, оңқайларға  қарағанда солақайлардың арасында жоғарғы санаттағы мамандар көп кездеседі.

Психологтардың айтуынша, солақайлар мінезді және зор шығармашылық мүмкіндіктерге ие болады екен. Мысалы, Нұрғиса Тілендиев, Аристотель, Марк Твен, Леонардо да Винчи, Бетховен, Пол Маккартни, Юлий Цезарь, Александр Македонский, Наполеон БонапартУинстон Черчилль, Ньютон, Вольфганг Амадей Моцарт, Петр I, Чарли Чаплин, Мэрилин Монро, Том Круз, Билл Гейтс, Брэд Питт, Киану Ривз, Сильвестр Сталлоне, Брюс Уиллис, Николь Кидман, Деми Мур, Джулия Робертс, Франц Кафка, Джеймс Кэмерон, ханзада Уильям, ханшайым Виктория және Жанна Д'Арктар солардың қатарында. АҚШ президенттері – Джеральд Форд, Рональд Рейган, Джордж Уокер Буш, Билл Клинтон, Барак Обамалар да солақай адамдар қатарына жатады. Атақты Фидель Кастро да солақай болған. 

13 тамызда әлемнің әр түкпірінде мерекеге байланысты түрлі іс-шара өткізіледі. Оған қатысқан оңқайлар тек сол қолын пайдаланады. 

Халықаралық Солақайлар ассоциациясының штаб пәтері АҚШ-тың Канзас штатындағы Топика қаласында орналасқан. Осы ұйым тарапынан "Солақайлар жайлы Билль" атты заң қабылданған.

Дереккөздер[өңдеу | қайнарын өңдеу]