Шолпан Базарқызы Дүкембаева

Шолпан Базарқызы Дүкембаева
Дүниеге келгені:	12 қараша 1961 Көкшетау облысы Чистополь ауданы Князевка ауылы

Дүкембаева Шолпан Базарқызы - 1961 жылы 12 қарашада Көкшетау облысы Чистополь ауданы Князевка ауылында туған. Қазақ.

Әкесі - Дүкембаев Базар Дүкембайұлы (1922 ж.т.), зейнеткер, ҰОС қатысқан, мал өсіруші болған. Анасы - Дүкембаева Күлшай Бөкенқызы (1927 ж.т.), зейнеткер, үй шаруасымен айналысқан.

Құрманғазы атындағы Алматы мемлекеттік консерваториясының вокалдық-хор факультетін бітірген (1988), опера және концерт әншісі, оқытушы.

Қазақ, орыс және итальян тілдерін біледі.

1980 жылдан - Көкшетау облыстық ғылыми-әдістемелік орталығының әдіскері. 1981 жылдан - Құрманғазы атындағы Алматы мемлекеттік консерваториясының студенті.

1988 жылдан бері - Ақмола облыстық филармониясының солист-вокалисі.

«Қазақстан Республикасының тәуелсіздігіне 10 жыл» медалімен (2001); Қалалық мәдениет бөлімінің (1998), Облыстық білім беру басқармасының (2002), Ақмола облысы әкімінің (2002), ҚР Президентінің (2007) құрмет грамоталарымен марапатталған. Ақмола облыстық балалар қорының (2000), Ақмола облыстық «Болашақ» балалар қорының (2003), Халықаралық балалар қорлары қауымдастығының (2003), Ақмола облыстық мәдениет басқармасының (2001, 2002) алғыс хаттарын алған.

ҚР Еңбек сіңірген әртісі (1996).

Діни көзқарасы - мұсылман.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Республиканың өркендеуі».

Хоббиі - спорт.

Сүйіп оқитын әдебиеті - тарихи, музыка туралы әдебиет.

Ұлы - Базарбаев Алмас (1997 ж.т).