Эльвира Әбілхасымқызы Азимова
| Эльвира Әбілхасымқызы Әзімова | ||||
 Азимова, 2022 жыл | ||||
| Лауазымы | ||||
|---|---|---|---|---|
| ||||
| 1 қаңтар 2023 жылдан бастап | ||||
| Президент | Қасым-Жомарт Тоқаев | |||
| Ізашары | лауазым енгізілді, Конституциялық кеңес төрағасы ретінде Қайрат Мәми | |||
| ||||
| 2 қыркүйек 2019 — 31 желтоқсан 2022 | ||||
| Президент | Қасым-Жомарт Тоқаев | |||
| Ізашары | Асқар Шәкіров | |||
| Ізбасары | Артур Ластаев | |||
| Өмірбаяны | ||||
| Білімі | Халықаралық қазақ-түрік университеті (1996) | |||
| Дүниеге келуі | 15 ақпан 1973 (53 жас) Жамбыл, Жамбыл облысы, Қазақ КСР, КСРО | |||
| Әкесі | Әбілхасым Нәхіпұлы Әзімов | |||
| Анасы | Райхан Қашкеева | |||
| Марапаттары |
| |||
өңдеу  |
||||
Эльвира Әбілхасымқызы Азимова (15 ақпан 1973 жыл, Жамбыл қаласы) — қазақстандық заңгер және саясаткер, 2023 жылдан бері қызметтегі Конституциялық Сот төрайымы.
Білімі
[өңдеу | қайнарын өңдеу]Х.А.Яссауи атындағы Халықаралық қазақ-түрік университетін «Халықаралық заңгер» мамандығы бойынша бітірген (1996).
Мансабы
[өңдеу | қайнарын өңдеу]Еңбек қызметін Әділет министрлігінде бастаған, онда 1996—1999 жылдары Халықаралық-құқықтық қамтамасыз ету басқармасының жетекші маманы, бас консультанты болып жұмыс істеді. Одан әрі 1999—2005 жылдары Заңнама, халықаралық құқық және хаттама департаменттерінде түрлі лауазымдарда қызмет атқарды.
2005—2010 жылдары Әділет министрлігінің Заңға тәуелді актілер және халықаралық құқық, мемлекеттің мүліктік құқықтарын қорғау, шарттар және талап-арыз жұмысы департаменттерін басқарды.
2010—2013 жылдары Әділет министрлігінің халықаралық шарттарды сараптау департаментінің директоры болып жұмыс істеді.
2013—2019 жылдары Әділет министрінің орынбасары лауазымын атқарды.
2019—2022 жылдары Қазақстан Республикасындағы Адам құқықтары жөніндегі уәкіл болды.
2021—2023 жылдары Президент жанындағы Адам құқықтары жөніндегі комиссияның және 2014—2022 жылдары Әйелдер істері және отбасылық-демографиялық саясат жөніндегі ұлттық комиссияның мүшесі болды.
2022 жылғы 29 желтоқсанда Президент Жарлығымен Конституциялық Сот Төрағасы лауазымына тағайындалды. Қызметіне 2023 жылғы 1 қаңтардан бастап кірісті. 2026 жылы ол Конституциялық реформа жөніндегі комиссияға жетекшілік етті.[1]
Марапаттары
[өңдеу | қайнарын өңдеу]«Құрмет» (2013), II дәрежелі «Достық» ордендерімен (16.12.2021), «Қазақстан Конституциясына 10 жыл» (2005), «Қазақстан Республикасының тәуелсіздігіне 20 жыл» (2012), медальдермен, I дәрежелі «Еуразиялық экономикалық одақ құруға қосқан үлесі үшін» (08.05.2015), «Еуразиялық экономикалық одақтың дамуына қосқан үлесі үшін» (29.05.2019) Халықаралық марапаттармен, Қазақстан Республикасының Құрмет грамотасымен (2007) марапатталған.[2]