Серік Нығметұлы Ахметов

	Серік Нығметұлы Ахметов;
	; Ахметов, 2013 жыл
Лауазымы
3 сәуір 2014 — 22 қазан 2014
Президент	Нұрсұлтан Назарбаев
Премьер-Министр	Кәрім Мәсімов
Ізашары	Әділбек Жақсыбеков
Ізбасары	Иманғали Тасмағамбетов
24 қыркүйек 2012 — 2 сәуір 2014
Президент	Нұрсұлтан Назарбаев
Ізашары	Кәрім Мәсімов
Ізбасары	Кәрім Мәсімов
20 қаңтар 2012 — 24 қыркүйек 2012
Президент	Нұрсұлтан Назарбаев
Премьер-Министр	Кәрім Мәсімов
Ізашары	Өмірзақ Шөкеев
Ізбасары	Бақытжан Сағынтаев
19 қараша 2009 — 20 қаңтар 2012
Президент	Нұрсұлтан Назарбаев
Ізашары	Нұрлан Нығматуллин
Ізбасары	Әбілғазы Құсайынов
26 қыркүйек 2006 — 3 наурыз 2009
Президент	Нұрсұлтан Назарбаев
Премьер-Министр	Даниал Ахметов; Кәрім Мәсімов
Ізашары	Асқар Мамин
Ізбасары	Әбілғазы Құсайынов
Өмірбаяны
Ғылыми дәрежесі	Экономика ғылымдарының докторы
Дүниеге келуі	25 маусым 1958 (67 жас); Теміртау, Қарағанды облысы, Қазақ КСР, КСРО
Жұбайы	Любовь Михайловна Ахметова
Балалары	2
Серік Нығметұлы Ахметов Ортаққорда
	өңдеу

Басқа мағыналар үшін Ахметов деген бетті қараңыз.

Серік Нығметұлы Ахметов (25 маусым 1958 жыл, Теміртау) — қазақстандық саясаткер, экономист, Қазақстанның 8-премьер-министрі (2012–2014), Қорғаныс министрі (2014), Қарағанды облысының әкімі (2009–2012).

Өмірбаяны

Ерте жылдары

1958 жылғы 25 маусымда Ахметов Қарағанды облысының Теміртау қаласында туған. Арғын тайпасы Қуандық руының Тоқа бөлімінен шыққан.^[1]

Ахметов Қарағанды металлургия зауыты жанындағы зауыт ЖТОО-ны, Ресей Басқару Академиясының аспирантурасын бітірген. Мамандығы — инженер-металлург, экономика ғылымдарының докторы.

Еңбек жолы

Еңбек жолын Ахметов 1975 жылы Қарағанды металлургия зауытында токарь ретінде бастаған.

1976 жылдан 1978 жылға дейін ол Қызыл армия қатарында жауынгерлік борышын атқарған.

1979–1985 жылдары ол токарь, комбинаттағы комсомол комитетінде хатшы орынбасары, кейін комитет хатшысы болды да, 1985 жылдан 1986 жылға дейін Теміртау қалалық комсомол комитетінің бірінші хатшысы болған.

1986–1989 жылдары аралығында Ахметов Қарағанды облыстық комсомол комитетінің бірінші хатшысы еді. 1989 жылдан 1990 жылға дейін ол Қарағанды партия обкомының жауапты ұйымдастырушысы болды.

1993 жылдан 1994 жылға дейін ол — Карметкомбинаттың маркетинг бюро басшысы, сыртқы экномикалық қатынастар бөлімінің басшысы, 1994–1995 жылдары «Футау» біріккен кәсіпорынның Директоры.

1996–1998 жылдары аралығында ол — «Кен Дала» қазақстандық агроөнеркәсіп биржасының Бас директоры. 1998 жылғы ақпаннан 2001 жылғы наурызға дейін ол Президент Әкімшілігінде ұйымдастыру-бақылау бөлімінде Мемлекеттік инспектор болған.

2001 жылғы наурыздан 2003 жылғы маусымға дейін Ахметов Теміртау әкімі болса, одан кейін, 2004 жылғы сәуірге дейін — Астана қаласы әкімінің бірінші орынбасары.

2004 жылғы сәуірден 2005 жылғы наурызға дейін ол Президент Әкімшілігіне оралып, ұйымдастыру-бақылау және кадр саясаты жөніндегі Басқарманың Мемлекеттік инспекциясының меңгерушісі болды.

2005 жылғы наурыздан 2006 жылғы 25 қыркүйекке дейін ол — «Атамекен» жылпыұлттық кәсіпкерлер мен жұмысберушілер одағының басқарма төрағасы, атқарушы директор.

2006 жылғы 25 қыркүйектен 2009 жылғы 3 наурызға дейін ол Көлік және коммуникациялар министрі қызметін атқарды.^[2]

2009 жылғы 3 наурыздан 19 қарашаға дейін ол — Қазақстан премьер-министрінің орынбасары.^[3] Одан кейін, 2012 жылғы қаңтарға дейін ол Қарағанды облысының әкімі болды.^[4]

2012 жылғы қаңтардан 24 қыркүйекке дейін ол Қазақстан премьер-министрінің бірінші орынбасары болды. Бұдан кейін ол Қазақстан премьер-министрі болып тағайындалды.^[5]

2014 жылғы 2 сәуірде елбасы Нұрсұлтан Назарбаев Серік Ахметов үкіметінің отставкасын қабылдады.^[6] Келесі күні жаңа премьер Кәрім Мәсімов Ахметовті Қорғаныс министрі қылды. Ол бұл лауазымда сол жылғы 22 қазанға болды.

Заңи мәселелері

2015 жылғы желтоқсанда Ахметов жемқорлық қылмысы үшін 10 жылға бас бостандығынан айырылды. Кейін оның қамаудағы мерзімі екі мәрте қысқартылды: бірінші рет 2 жылға және екінші рет 1 жыл мен 7 айға. 2017 жылғы қыркүйектің басында «бас бостандығынан айырылсын» үкімі 4 жыл мен 26 күнге «бостандығы шектелсін» деп өзгертілді. 2017 жылғы 21 қыркүйекте ол бостандық алды.^[7]

Марапаттары

Парасат ордені
Құрмет ордені
«Еңбектегі ерлігі үшін» медалімен, мерейтойлық медальдермен марапатталған.^[8]

Отбасы

Ахметов Любовь Михайловна Ахметоваға үйленген. Ұлы — Данияр (1985 жылы туған) мен қызы — Жанна (1980 жылы туған).

Сыртқы сілтемелер

Қазақстан Республикасының Премьер-Министрі Серік Ахметовтың жеке сайты

Дереккөздер

↑ Бикенов Ж.Б. Жәкенов Ж.М. Исабек Т.К. Тоқа шежіресі — Қарағанды: Қарағанды полиграфиясы ААҚ, 2000. — 402 б. — 1000 таралым. — ISBN 5-7667-9037-6.
↑ С.Н. Ахметовты Қазақстан Республикасы Көлік және коммуникация министрі қызметіне тағайындау туралы Қазақстан Республикасы Президентінің 2006 жылғы 25 қыркүйектегі №184 (қаз.). online.zakon.kz (25 қыркүйек 2006).
↑ С.Н.Ахметовті Қазақстан Республикасы Премьер-Министрінің орынбасары қызметіне тағайындау туралы 2009 жылғы 3 наурыздағы № 754 Қазақстан Республикасы Президентінің Жарлығы
↑ «С.Н.Ахметовті Қарағанды облысының әкімі қызметіне тағайындау туралы» Қазақстан Республикасы Президентінің 2009 жылғы 19 қарашадағы № 888 Жарлығы (қаз.). online.zakon.kz (25 қыркүйек 2006).
↑ Қазақстан Республикасының Президенті Нұрсұлтан Назарбаевтың С.Н.Ахметовті Қазақстан Республикасының Премьер-Министрі қызметіне тағайындау туралы Жарлығы (қаз.). Қазақстан президентінің ресми сайты. Мұрағат көшірмесі 14 желтоқсанның 2013 Wayback Machine мұрағатында
↑ Үкімет басшысы отставкаға кетті (қолжетпейтін сілтеме)
↑ Освобождение Ахметова. За что судили экс-премьера, и каким был его путь к свободе (қаз.). Informburo.kz (21 қыркүйек 2017). Тексерілді, 16 қыркүйек 2025.
↑ Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8

[1] Бикенов Ж.Б. Жәкенов Ж.М. Исабек Т.К. Тоқа шежіресі — Қарағанды: Қарағанды полиграфиясы ААҚ, 2000. — 402 б. — 1000 таралым. — ISBN 5-7667-9037-6.

[2] С.Н. Ахметовты Қазақстан Республикасы Көлік және коммуникация министрі қызметіне тағайындау туралы Қазақстан Республикасы Президентінің 2006 жылғы 25 қыркүйектегі №184 (қаз.). online.zakon.kz (25 қыркүйек 2006).

[3] С.Н.Ахметовті Қазақстан Республикасы Премьер-Министрінің орынбасары қызметіне тағайындау туралы 2009 жылғы 3 наурыздағы № 754 Қазақстан Республикасы Президентінің Жарлығы

[4] «С.Н.Ахметовті Қарағанды облысының әкімі қызметіне тағайындау туралы» Қазақстан Республикасы Президентінің 2009 жылғы 19 қарашадағы № 888 Жарлығы (қаз.). online.zakon.kz (25 қыркүйек 2006).

[5] Қазақстан Республикасының Президенті Нұрсұлтан Назарбаевтың С.Н.Ахметовті Қазақстан Республикасының Премьер-Министрі қызметіне тағайындау туралы Жарлығы (қаз.). Қазақстан президентінің ресми сайты. Мұрағат көшірмесі 14 желтоқсанның 2013 Wayback Machine мұрағатында

[6] Үкімет басшысы отставкаға кетті (қолжетпейтін сілтеме)

[7] Освобождение Ахметова. За что судили экс-премьера, и каким был его путь к свободе (қаз.). Informburo.kz (21 қыркүйек 2017). Тексерілді, 16 қыркүйек 2025.

[8] Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8

[1]

[2]

[3]

[4]

[5]

[6]

[7]

[8]