Сәлкен Дәуленұлы Дәуленов

Сәлкен Дәуленұлы Дәуленов
Лауазымы
Ту Қазақ КСР Министрлер Кеңесінің төрағасы Ту
24 қаңтар 1961 — 13 қыркүйек 1962
Ізашары	Жұмабек Тәшенов
Ізбасары	Мәсімхан Бейсебайұлы
Ту Қазақстан КП Семей облыстық комитетінің бірінші хатшысы Ту
қыркүйек 1960 — қаңтар 1961
Ізашары	Мұхамедғали Сужиков
Ізбасары	Михаил Карпенко
Ту Қазақ КСР су шаруашылығы министрі Ту
1954 — 1957
Премьер-Министр	Елубай Тайбеков Дінмұхамед Қонаев
Ізашары	Ысмайыл Юсупов
Ізбасары	белгісіз
Ту Оңтүстік Қазақстан облыстық атқару комитетінің төрағасы
1945 — 1950
Ізашары	Мінайдар Салин
Ізбасары	Нұрдәулет Күзембаев
Ту Қазақ КСР Жоғарғы Кеңесінің төрағасы Ту
15 шілде 1938 — 25 қыркүйек 1939
Ізашары	лауазым жойылды, Нұрбапа Өмірзақов Қазақ КСР ОАК төрағасы ретінде
Ізбасары	Нұрмұхамед Бозжанов
Өмірбаяны
Партиясы	БК(б)П / КОКП
Білімі	1. Орта Азия мемлекеттік университеті 2. Орталық Азия жоспарлау-экономикалық институты
Дүниеге келуі	10 қазан 1907 (1907-10-10) Игбай ауылы, Темір уезі, Орал облысы, Ресей империясы
Қайтыс болуы	29 ақпан 1984 (1984-02-29) (76 жас) Алматы, Қазақ КСР
Марапаттары

Сәлкен Дәуленұлы Дәуленов (10 қазан 1907 жыл, Игбай ауылы, Темір уезі, Орал облысы, Ресей империясы — 29 ақпан 1984 жыл, Алматы, Қазақ КСР) — қоғам және мемлекет қайраткері. Қазақ КСР Министрлер Кеңесінің төрағасы (1961-1962).

Өмірбаяны

• Еңбек жолын Ақтөбе облысындағы Алты-Қарасу болысында бақташы болып бастады.
• 1925 жылдың қыркүйегінен Ақтөбе қаласындағы балалар коммунасының тәрбиеленушісі.
• 1927 жылдың қарашасынан - Ақтөбе округтік комсомол комитетінің жалпы бөлімінің меңгерушісі.
• 1928 жылдың қыркүйегінен - Ташкент қаласындағы Ортаазиялық мемлекеттік универститеті жанындағы жұмысшы факультетінің студенті.
• 1931 жылдан - Ортаазиялық жоспарлау-экономикалық институтының студенті, оны 1933 жылы бітіріп шықты.
• 1933 жылғы желтоқсаннан Тәжік АКСР-і Жырғатал ауданы атқару комитеті төрағасының орынбасары
• 1934 жылғы тамыздан - Қазақ АКСР-і Мемлекеттік жоспарлау комитетінің жоспарлау бөлімінің бастығы.
• 1936 жылғы қарашадан - Алматы қаласы Ленин аудандық партия комитетінің екінші, бірінші хатшысы
• 1937 жылғы желтоқсаннан - Алматы қалалық партия комитетінің үшінші хатшысы.
• 1938 жылдың ақпанынан - Қазақстан Коммунистік партиясының үшінші, екінші хатшысы болды
• 1939 жылдың қазанынан - Башқұрт АКСР-і Абзелил ауданы Янгель астық кеңшарының директоры.
• 1944 жылдың маусымынан - Талдықорған облыстық жер басқармасының бастығы.
• 1945 жылдың сәуірінен - Түркістан облысы еңбекші депутаттары кеңесі атқару комитетінің төрағасы
• 1951 жылдың ақпанынан - Қазақ КСР-і Министрлер Кеңесі жанындағы Су шаруашылығы бас басқармасының бастығы
• 1953 жылғы мамыр-қараша аралығында - Қазақ КСР ауыл шаруашылығы және дайындау министрлігінің бас басқармасының бастығы.
• 1953 жылдың қарашасынан - Қазақ КСР жоғары тұтыну тауарлары өнеркәсібі министрінің орынбасары.
• 1954 жылдың тамызынан - Қазақ КСР су шаруашылығы министрі.
• 1957 жылдың шілдесінен - Қазақ КСР ауыл шаруашылығы министрінің орынбасары.
• 1960 жылғы қыркүйектен - Семей облысы партия комитетінің 1-хатшысы.
• 1961 жылдың қаңтары 1962 жылдың қыркүйегі - Қазақ КСР Министрлер Кеңесінің төрағасы.
• 1963 жылдың ақпанынан - Жамбыл облысы жоспарлау комитетінің төрағасы.
• 1966 жылдың ақпанынан Қазақ КСР мемлекеттік жоспарлау комитетінің аумақтық жоспарлау бөлімінің бастығы.
• 1975 жылдың сәуірінен - ордақтық дәрежедегі зейнеткер.
• 1961 – 1963 жылдары КОКП ОК-нің мүшесі және КСРО Жоғарғы Кеңесінің 6-шақырылымының депутаты.

Сілтеме

• Сәлкен Дәуленұлы. 1898–1991 жж. Коммунистік партия және Кеңес Одағы тарихының анықтамалығы. (орыс.)