Асқар Қуанышұлы Жұмағалиев

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Асқар Жұмағалиев
Асқар Қуанышұлы Жұмағалиев
Асқар Жұмағалиев
Қазақстан Республикасы Көлік және коммуникация министрі
2012 жылдың 21 қаңтарынан бастап
Ізашары: Берік Қамалиев
Қазақстан Республикасы 1-ші Байланыс және ақпарат министрі
2010 жылдың 12 наурызынан — 2012 жылдың 20 қаңтарына дейін
"Қазақтелеком" АҚ Басқарма Төрағасы
2006 жылдың 9-шы қазанынан — 2010 жылдың 12-ші наурызына дейін
Ізашары: Қайрат Кәрібжанов
Ізбасары: Қуанышбек Есекеев
Қазақстан Республикасы Ақпараттандыру және байланыс агенттігі төрағасы
2006 жылдың 27-ші қаңтанынан — 2006 жылдың 9-шы қазанына дейін
Ізашары: Әбен Бектасов
Ізбасары: Қуанышбек Есекеев
 
Партиясы: Нұр Отан ХДП
Діні: Ислам
Дүниеге келуі: 2 тамыз 1972(1972-08-02) (41 жас)
Орынбор қаласы
Анасы: Екатерина Олжабекқызы Жұмағалиева
Жұбайы: Айнұр Қайратқызы Мәми
Балалары: Қуаныш Мириям (2003 жылы туған)

Асқар Қуанышұлы Жұмағалиев (1972 жылы 2 тамызда РКФСР Орынбор облысында туған) - қоғам және мемлекет қайраткері, ҚР Көлік және байланыс министрі

Анасы-Жумағалиева Екатерина Олжабекқызы (1948 жылы туған), кәсіпкер.

Свердлов Суворов ескери училищесін; Ракета әскерінің Харьков жоғары әскери командалық-инженерлік училищесін; қаласы Сәтбаев атындағы Қазақ ұлттық техникалық университетінің техника факультетін (1996) радиобайланыс, радиотарату және теледидар мамандығы бойынша; Қазақ гуманитарлық-заң академиясының заң факультетін (2002) «Заңтану» мамандығы бойынша; Швейцариялық федеративтік технологиялар институтын (Есоіе Роіуіесһпідие Ғесіегаіе сіе Іаизаппе, Лозанна қаласы) электрондық басқару жөніндегі шебер мамандығы бойынша бітірген.

30-дан астам ақпараттандыру мен байланыс салаларын реформалау және техникалық дамыту жөніндегі жарияланымдардың авторы.

Орыс, қазақ және ағылшын тілдерін біледі.

1996 жылдан - «Жарық» ЖШС директоры.

1998 жылдан - ҚР Көлік және коммуникация министрлігі РЧС жоспарлау секторының меңгерушісі .

1999 жылдан - ҚР Көлік және коммуникация министрлігі Келіктік бақылау комитетінің бас маманы, бөлім бастығы.

2000 жылдан - «Телекоммуникациялық трафик биллингі республикалық орталығы (ТТБ-орталығы)» РМК-да жұмыс істеген.

2001 жылдан - ҚР Көлік және комму-никация министрлігінің Байланыс және ақпараттандыру комитеті басқармасының бастығы, төрағасының орынбасары.

2003 жылдан - ҚР Ақпараттандыру және байланыс агенттігі төрағасының орынбасары,

2005 жылдан - ҚР Ақпараттандыру және байланыс агенттігі төрағасының бірінші орынбасары,

2006 жылдың қаңтарынан - ҚР Ақпараттандыру және байланыс агенттігі төрағасы.

2006 жылдың қазанынан - «Қазақтелеком» АҚ президенті,

2007 жылдан - басқармасының төрағасы.

2010 жылдың наурызынан бері - ҚР байланыс және ақпарат министрі.

«Құрмет» орденімен (2009); «Қазақстан Конституциясына 10 жыл», Ю.А. Гагарин атындағы медальдармен (2005); «Құрметті байланысшы» белгісімен (2005) марапатталған.

Діни көзқарасы - «Басқа діндерге төзімділікпен және сыйласыммен қарау, мемлекеттің діни саясатына халықтың қалыптасқан ұлттық-мәдени құндылықтары шегінде қолдау жасау».

Саяси қайраткер ретіндегі идеалы - Ш. де Голль, Т. Рузвельт.

Қазақстанның болашағы туралы болжамы - «Қазақстан экономикалық және саяси дамудың өзіндік моделі негізінде, демократия мен әлеуметтік әділдіктің жалпы қабылданған халықаралық принциптерін есепке ала отырып, серпінді турде дамиды».

Хоббиі - кітаптар, спорт.[1]

Дереккөздер[өңдеу]

  1. Қазақстан Республикасында Кімнің Кім екені - 2011. 2 томдық анықтамалық. Алматы, 2011 ІSВN 978-601-278-473-2