Нұрлан Байұзақұлы Ермекбаев

Уикипедия — ашық энциклопедиясынан алынған мәлімет
Jump to navigation Jump to search

Нұрлан Байұзақұлы Ермекбаев
Нұрлан Байұзақұлы Ермекбаев
Лауазымы
Ту
Қазақстан Республикасының Қорғаныс министрі
Ту
7 тамыз 2018 жылдан бастап
Президент Нұрсұлтан Назарбаев
Ізашары Сәкен Жасұзақов
Өмірбаяны
Білімі: КСРО ҚМ Әскери Қызыл ту институты, Қазақ мемлекеттік сәулет-құрылыс академиясы
Ғылыми дәрежесі: Саяси ғылымдар кандидаты, "Қазақстанның сыртқы саяси стратегиясы контекстінде Азиядағы қауіпсіздік аясындағы көпжақты өзара іс-қимыл, саяси аспектілер" тақырыбындағы диссертация
Дүниеге келуі 1 қаңтар 1963(1963-01-01) (56 жас)
Шымкент|Шымкентте, Оңтүстік Қазақстан облысы, Қазақ КСР

Нұрлан Байұзақұлы Ермекбаев (1 қаңтар 1963 жыл, Шымкент, Оңтүстік Қазақстан облысы, Қазақ КСР) — Қазақстан Республикасының мемлекет қайраткері, саяси ғылымдар кандидаты, 2018 жылғы 7 тамыздан бастап Қазақстан Республикасының Қорғаныс министрі, әскери атағы генерал-майор. Қазақ, орыс, қытай, ағылшын тілдерін біледі.

Өмірбаяны[өңдеу]

1980 - 1981 жж. Мәскеу химиялық машина құрастыру институты (полимерлерді,бұйымдар мен детальдарға қайта өңдеу машиналары мен технологиялары) химиялық машина құрастыру факультетіндегі оқу. Оқу кезінде оқу тобының старостасы болды.

1981 жылдың көктемінде КСРО Қарулы Күштерінің қатарына шақырылды және КСРО ҚМ Әскери Қызыл Ту институтына (Шығыс факультеті) қабылданды. Оқу кезінде курстың комсомолдық ұйымының хатшысы лауазымын атқара отырып, БЛКЖО-да болды, КОКП мүшелігіне қабылданды. Курстастарының пікірі бойынша курсант кезінде ұйымдастыру жұмысына, тактика мен жедел өнердің негіздерін, шет тілдерін меңгеру мен спортпен шұғылдануға бейімділігін танытты.

1986 ж. Қытай және ағылшын тілдерін білетін офицер мамандығын алып КСРО ҚМ Әскери Қызыл ту институтын (Шығыс факультеті) (институт бастығы генерал-полковник Магомед Танкаев болған кезде) үздік аяқтайды.

1984 -1985 жж. Анголада КСРО әскери миссиясы құрамында қызметтік іссапар.

1986 - 1991 жж. – Кеңес Одағының Қарулы Күштерінде Қырғыз КСР Ош облысында, Қазақ КСР  Шығыс Қазақстан және Алматы облыстарында офицерлік лауазымдарда әскери қызмет өткерді.

Қазақстан Республикасы тәуелсіздік алғаннан бастап 1991-1996 жылдары сыртқы экономикалық ұйымдарда, оның ішінде, шетелде жұмыс жасады.

1996 жылы "Инженер-экономист" мамандығы бойынша Қазақ мемлекеттік сәулет-құрылыс академиясын (сырттай) бітірді.

1996 - 2001 жылдары бизнес құрылымдардағы басшылық жұмыста, Бейжің қ. "Қазақстанның Халық банкі" ААҚ өкілдігін басқарды.

2001 - 2004 жылдары  – Сингапурдағы ҚХР дипломатиялық қызметінде болды. Сингапурдағы Қазақстан Республикасы дипломатиялық миссиясының бірінші басшысы болды.

2004 - 2007 жылдары  – Қазақстан Республикасы Президент Әкімшілігінің жаңадан құрылған сыртқы саяси орталығын басқарды, ҚР Президентінің Кеңесшісі болды.

2007 - 2012  жылдары – Қазақстан Республикасы Сыртқы істер министрінің орынбасары, ҚР Президентінің халықаралық мәселелер жөніндегі көмекшісі болды.

Әр жылдары стратегиялық құжаттарды, оның ішінде, сыртқы саясат тұжырымдамасын әзірлеу жөніндегі жұмыс тобының қызметін басқарды. Ұлттық қауіпсіздік стратегиясын, Қарулы Күштердің құрылуы мен дамуының тұжырымдамасын әзірлеуге қатысты.

2012-2014 жылдары ҚХР-дағы Қазақстан Республикасының, сондай-ақ Вьетнамдағы, ҚХР Елшіліктерін (қоса жұмыс істеу жөніндегі) басқарды.

2014-2016 жылдары – Президенттің көмекшісі – Қазақстан Республикасы Қауіпсіздік Кеңесінің Хатшысы болып жұмыс атқарды.  

Тәуелсіз сарапшылардың ақпараты бойынша Нұрлан Ермекбаевтың кезінде Қауіпсіздік Кеңесі Аппаратының қайта ұйымдастырылуы жүргізілді және қорғаныс бөлімі құрылды. Кейбір сарапшылар Қорғаныс және аэроғарыш өнеркәсібінің құрылуында Н. Ермекбаетың белсенді рөлін атап өтуде. Кейбір жарияланымдарда оны Қазақстан Республикасында "Темасек" сингапурлық холдингтің үлгісі бойынша "Самұрық" компаниясының құрылу идеясының авторы деп атады.

2016 жылы Қазақстан Президенті Нұрсұлтан Назарбаев (Ақтөбе мен Алматыдағы резонанстық террористік актілерден кейін) өзінің көмекшісі - Қауіпсіздік Кеңесінің Хатшысы Нұрлан Ермекбаевқа жаңа жұмыс орнын басқаруды тапсырып, Дін істері және азаматтық қоғам жөніндегі арнайы министрлік құруға шешім қабылдады.

2016-2018 жылдары Қазақстан Республикасы Дін істері және азаматтық қоғам министрі болған кезде  Н. Ермекбаев бірқатар бастамаларды іске асырды: саяси саладағы мемелкеттік саясат тұжырымдамасы бекітілді, Парламентке діни қызмет туралы Заң жобасы жолданды.  2018 жылдың басында Дін істері және азаматтық қоғам министрлігін Қоғамдық дамыту министрлігі етіп қайта атау туралы бастама танытылды.

2018 жылдың сәуірінде "Қауіпсіздік Кеңесі туралы" Заң қабылданған кезде Президенттің көмекшісі - Қауіпсіздік Кеңесінің хатшысы лауазымына оралды. Ол лауазымды 2018 жылдың тамызына дейін басқарды.

2018 жылдың тамызында Қазақстан Республикасыныің Қорғаныс министрі болып тағайындалды.

2019 жылдың наурызында Қазақстан Республикасының Тұңғыш Президенті - Елбасы атындағы Ұлттық қорғаныс университетінің базасында "Әскери өнер" бағдарламасы бойынша толық курсты аяқтады.

2019 жылдың 18 наурызында Қазақстан Республикасы Президентінің Жарлығымен генерал-майор әскери атағы берілді.

Саяси ғылымдар кандидаты, бірнеше ондаған мақалалардың авторы, "Қазақстан мен әлем елдері" кітабының бірлескен авторы.

Әуестігі[өңдеу]

Спорт (қоян-қолтық ұрыс, 1988 ж. спорт шеберіне кандидат нормативін орындады, гольф, туризм, кітап оқу, шет тілдері. 

2018 жылдың тамызында Бүкілқазақстандық қоян-қолтық ұрыс Қауымдастығының Төрағасы болып сайланды.

Наградалары[өңдеу]

Құрмет ордені

Парасат ордені

"Әскери барлауға 100 жыл"

"Локальді жанжалдарға қатысушыға. Ангола" медалі;

" Облыс игілігіне атқарған еңбегі үшін" медалі ("Облысқа сіңірген еңбек үшін", ОҚО әкімінің 2012 ж. 29.10 №1-267 өкімімен)

"Сыртқы барлауға қосқан үлесі үшін" медалі;

"Қорғаныс және аэроғарыш өнеркәсібін дамытуға қосқан үлесі үшін" медалі;

"КСРО Қарулы Күштердің 70 жылдығы" медалі;

"Әскери барлауға 20 жыл" медалі;

"Сыртқы барлауға 20 жыл" медалі;

"ҚР Қарулы Күштеріне 20 жыл" медалі;

"Қазақстан Республикасының Тәуелсіздігіне 25 жыл" медалі,

"ҚР Ұлттық қауіпсіздік комитетіне 25 жыл";

"Елбасының алғысы" төсбелгісі;

ҚР әскери барлауы алдындағы еңбегі үшін "Алтын үкі" төсбелгісі;

І дәрежелі ҰҚШҰ құрмет белгісі;

"Қазақстан полициясына 25 жыл" төсбелгісі;

бірқатар мерейтойлық медальдар мен төсбелгілер.  

Дереккөздер[өңдеу]