Аслан Бәкенұлы Сәрінжіпов

	Аслан Бәкенұлы Сәрінжіпов;
Лауазымы
Ту	Қазақстан Республикасының Білім және ғылым министрі
2 қыркүйек 2013 жыл — 10 ақпан 2016 жыл
Президент	Нұрсұлтан Назарбаев
Премьер-Министр	Серік Ахметов; Кәрім Мәсімов
Ізашары	Бақытжан Жұмағұлов
Ізбасары	Ерлан Сағадиев
Өмірбаяны
Білімі	Қазақ Мемлекеттік Экономика Университеті, Оклахома Университеті (АҚШ), Веналық дипломатиялық академия
Мамандығы	Экономист-халықаралықшы, экономика ғылымдарының кандидаты, Пенсильвания Университетінің (АҚШ) докторы
Діні	Ислам
Дүниеге келуі	17 сәуір 1974 жыл
Марапаттары	Құрмет ордені
	өңдеу

Аслан Бәкенұлы Сәрінжіпов (17 сәуір 1974 жыл) — Қазақстанның мемлекет және қоғам қайраткері, экономист, бұрынғы Білім және ғылым министрі (2013—2016). «Назарбаев Қорының» басқарма төрағасы (2016 жылдан бастап), Назарбаев Университетінің атқарушы вице-президенті (2023 жылдан бастап).

Өмірбаяны

Аслан Бәкенұлы Сәрінжіпов 1974 жылы 17 сәуірде дүниеге келді. Арғын тайпасы Қаракесек руының Кәрсөн бұтағынан шыққан. Арғы атасы Сәрінжіп Әзбергенұлы (1862-1935) ақын болып Шет ауданы Тағылы тауның бөктерінде тұрған.^[1]

Қазақ мемлекеттік экономикалық университетін, Оклахома университетін (АҚШ), Вена дипломатиялық академиясын тәмамдады. Сонымен қатар, Гарвард университеті Кеннеди атындағы мемлекеттік саясат мектебінде тағылымдамадан өткен.

1996 жылы еңбек жолын Орталық Азия мемлекетаралық кеңесі Атқарушы комитетінің референті болып бастады.

1997 жылы Қазақстан Республикасы Республикасы Сыртқы істер министрлігінің орталық аппаратына ауысты.

1998-2002 жылдары Қазақстанның АҚШ-тағы Елшілігінде экономикалық мәселелер жөніндегі атташе қызметін атқарды (Вашингтон).

2002-2007 жылдары Дүниежүзілік банктің Орта Азия бойынша инфрақұрылымдар, қаржылық нарық және білім мәселелері жөніндегі жоба үйлестірушісі болды. Сонымен қатар, Қазақстан Республикасы Білім беруді дамытудың мемлекеттік бағдарламасын әзірлеуге қатысты.

2007-2009 жылдары ҚР Үкіметінің және Ұлттық банктің жанындағы «Ұлттық талдау орталығы» АҚ Басқармасы төрағасының орынбасары қызметін атқарып, экономикалық даму, қаржы және білім салаларына жетекшілік жасады.

2009-2010 жылдары Назарбаев Университетінің президенті, 2009-2013 жылдары - «Назарбаев Университеті» дербес білім беру ұйымы Атқарушы кеңесінің төрағасы болды. «Назарбаев Университеті» білім мектебінің қауымдастырылған профессоры. «Назарбаев университеті» ДББҰ-ның құрылғанынан бастап қамқоршылық кеңесінің мүшесі.

2012 жылы «Құрмет» орденімен марапатталды.

2013 жылғы 2 қыркүйекте Қазақстан Республикасының Президентінің Жарлығымен Қазақстан Республикасының Білім және ғылым министрі болып тағайындалды. 2016 жылғы 10 ақпанда лауазымынан босатылды.^[2]

2016 жылғы 11 ақпанда «Назарбаев Қоры» президенті және «Nazarbayev University» қамқоршылық кеңесінің мүшесі болып тағайындалды.^[3]

2023 жылғы 4 желтоқсанда Назарбаев Университетінің атқарушы вице-президенті болып тағайындалды.^[4]

Дереккөздер

Үлгі:Серік Ахметовтің министрлер кабинеті

[1] ttps://abai.kz/post/41939

[2] Аслан Сәрінжіпов ҚР Білім және ғылым министрі қызметінен босатылды

[3] Аслан Сәрінжіпов «Назарбаев Қорының» президенті болды

[4] Назарбаев Университетінің басшылығы ауысты

[1]

[2]

[3]

[4]