Эми Майнцер
| Эми Майнцер | |
| Amy Mainzer | |
 | |
| Туған күні | |
|---|---|
| Ғылыми аясы | |
| Альма-матер |
Калифорния Технология Институты, Стэнфорд университеті, Калифорния университеті, Лос-Анжелес |
Эми Майнцер (ағылш. Amy Mainzer; 1974 жылдың 2 қаңтарында дүниеге келген) — астрофизикалық аппаратураға және инфрақызыл диапазондағы зерттеулерге маманданған америкалық астроном. Оның ғылыми қызығушылықтары астероидтар, қоңыр ергежейлер, планеталардың атмосферасы, шаң дискілері, жұлдыздардың пайда болуы, жер үсті және ғарыштық құралдарды жобалау және құру[1].
Өмірбаяны[өңдеу | қайнарын өңдеу]
NASA Реактивті қозғалыс зертханасының қызметкері. Эми Майнцер Wide-Field Infrared Survey Explorer жобасының ғылыми жетекшісінің орынбасары және NEOWISE жобасындағы кіші планеталарды зерттеу жөніндегі бас зерттеуші [2]. Эми Майнцер "Спитцер" телескопы үшін датчик жобалаған. Қазір ол Жерге жақындаған астероидтарды бақылайтын телескоптың құрастыруымен айналысады.
Эми Майнцер Стэнфорд университетінде физика саласындағы бакалавриатты (1996) және Калифорния технологиялық институтында астрономия саласындағы магистратураны (2000) үздік бітірген. Лос-Анджелестегі Калифорния университетінде астрономия докторы дәрежесін алды (2003).
Сонымен қатар, ол "The Universe" сияқты танымал ғылыми сериалдарда комментатор ретінде History Channel арнасында жұмыс істеген.
Астероид (234750) Amymainzer оның есімімен аталған.
Дереккөздер[өңдеу | қайнарын өңдеу]
- ↑ Science – Evolution of Galaxies: People: Amy Mainzer. science.jpl.nasa.gov. Басты дереккөзінен мұрағатталған 3 шілде 2013.(қолжетпейтін сілтеме) Тексерілді, 11 наурыз 2011.
- ↑ NASA's NEOWISE Completes Scan for Asteroids and Comets – NASA Jet Propulsion Laboratory. jpl.nasa.gov (1 ақпан 2011). Тексерілді, 11 наурыз 2011.