Қазақстанның ордендері

Уикипедия — ашық энциклопедиясынан алынған мәлімет
Jump to navigation Jump to search

Қазақстанның ордендері

Алтын қыран[өңдеу]

Қазақстан Республикасындағы ең жоғары ерекшелік белгі."Алтын қыран" орденімен Республикаға зор еңбегі сіңген азаматтар марапатталады. Бұл орден жұлдыз пішінімен ақ,қызыл және сары түсті алтын құймасынан жасалған. Оның ортасында қыран құс бейнеленген. Төменгі жағында,қыранның айналасында "Алтын қыран " деген жазу бар. Жоғары жағына 3лағыл тас орнатылған. "Алтын қыран" орденімен біршама елдердің басшылары да марапатталады.

Халық Қаһарманы[өңдеу]

Еліміздің бостандығы мен тәуелсіздігі жолында азаттық және жауынгерлік ерлік көрсеткендерге берілетін атақ. Оған ие болған адамдаға айрықша ерекшелік белгілері - "Алтын жұлдыз" бен "Отан" ордені тапсырылады. "Отан" орденімен экономиканы, әлеуметтік саланы, ғылым мен мәдениетті дамытуға үлес қосқан мемлекеттік және қоғамдық қызметтегі адамдар марапатталады. Сонымен қатар, демократия мен әлеуметтік үрдісті дамытуға ерекше үлес қосқан мемлекеттік, құқық қорғау және әскери қызметтегі азаматтарға да беріледі.

Барыс[өңдеу]

Бұл орден бейбітшілікті, еліміздің егемендігі мен халық тар арасындағы достық қатынастарды, ұлтаралық ынтымақтастықты нығайтуға ерекше ат салысқан адамдарға беріледі. Ол 3 дәрежеден тұрады. 1дәреже-орденнің ең жоғарғы дәрежесі. Дәрежелер III, II, I ретімен беріледі. Қазақстан Республикасы Президентінің шешімімен ерекше көзге түскен азаматтар үшін реттілікт сақталмауы да мүмкін.

Даңқ[өңдеу]

Даңқ ордені 2 дәрежеден тұрады. 1 дәрежесі- жоғарғы дәреже. " Даңқ" орденімен Қарулы Күш, Прократура, Ұлттық қауіпсіздік, Ішкі істер органдарының басшы құрамдағы офицерлері марапатталады. "Даңқ" орденін иемдену үшін әскерлерге басшылық жасап және оны басқару ісінде табыстарға қол жеткізу, сондай-ақ әскердің жауынгерлік даярлығы мен елдің қорғаныс қабілетін қамтамасыз ету қажет. Сонымен қатар, бұл орден әскери, шекаралық, ішкі қызметті үздік ұйымдастырған, ұлттық қауіпсіздікті қамтамасыз еткен, заңдылық пен қоғамдық тәртіпті саөтауды нығайтқан азаматтарға да тапсырылады.

Айбын[өңдеу]

"Айбын" орденімен әскеи қызметшілер, Прокуратура, Ұлттық қауіпсіздік, Ішкі істер органдарының қызметкерлері марапатталады. Бұл орденнің иегері атану үшін жауынгерлік әзірлікте, әскерлерді жоғары ауынгерлік даярлықта ұстауда, заңдылықты, қоғамдық тәртіпті қамтамасыз етуде табысьтарға қол жеткізу қажет. Сондай-ақ "Айбын" ордені әскеи және қызметтік борышын атқару кезінде батылдық пен жанқиярлық көрсеткен азаматтарға, мемлекет мүддесін қорғауда ерлік көрсеткендерге беріледі. Ол 3 дәрежеден тұрады. Ең жоғарысы-I дәреже I және II дәрежелі Айбын ордендерімен офицерлер, III дәрежесімен-сарбаздар, матростар, сержанттар, старшиналар және мичмандар марапатталады.

Парасат[өңдеу]

"Парасат" орденімен ақын-жазушылар, мәдениет пeн өнер саласында(әртістер, әншілер, режиссерлер, т. б) еңбек ететіндер, ғалымдар, мемлекет және қоғам қайраткерлері халықтың рухани өмірін жақсартуға қосқан табысты еңбектері үшін марапатталады.

Достық[өңдеу]

"Достық" орденімен қоғамдағы өзарататулықты, халықтар арасындағы бейбітшілікті, достық пен ынтымақтастықты сақтайға көп үлес қосқан азаматтар марапатталады. "Достық" ордені 2дәрежеден тұрады. Кейбір айрықша жағдайларда реттік дәрежесі ескерілмеуі де мүмкін.

Құрмет[өңдеу]

"Құрмет" орденімен экономика және әлеуметтік сала қызметкерлері, сондай-ақ ғылым мен мәдениет, білім беру ісін дамытуға зор үлес қосқан азаматтар марапатталады. Сонымен қатар бұл орден мемлекеттік органдарда мінсіз қызмет атқарған, белсенді қызмет көрсеткен тұлғаларға да беріледі.

Дереккөздер[өңдеу]

"Сен білесің бе?" энциклопедиясы