Қуысбек алтын кен орны

Уикипедия — ашық энциклопедиясынан алынған мәлімет
Jump to navigation Jump to search

Қуысбек алтын кен орны - Солтүстік Қазақстан облысы Айыртау ауданы аумағында. Кен орнын 1930 жылы ежелгі дәуірдегі қазба жұмыстарының ізімен Евгений Дмитриевич Шлыгин (1899-1980) ашқан.

Геологиясы мен сипаты[өңдеу]

Герлогиялық құрамында габбродиоритті дайкалармен жырымдалған рифей порфириті мен Қуысбек шоғырының кремнийлі тақтатастары бар. Кварцты-желілі және сульфидті минералдану белдемдерінен тұрады. Кварцты желілер солтүстік-шығыс және меридианды бағытта 50-70 м-ге созылған, қалыңдығы 0,5-0,7 м. Игерілген желінің жоғары бөлігінде алтынның мөлшері 150 г/т (орташа 8-10 г/т). Кен орны алаңында минералданған 4 сульфидті белдем бар, олардың қалыңдығы 3-14 м, ұзындығы 200-300 м. Ондағы алтынның мөлшері 3-5 г/т. 200 м тереңдіктен кейін алтынның мөлшері 0,4- г/т-ға дейін кемиді.

Кен құрамы[өңдеу]

Кен құрамы пирит, халькопирит, галенит, сфалерит, кварц, турмалин, серицит, хлориттен тұарды. Сульфидтердің мөлшері кварцты желілерде 2-5%, минералданған белдемдерде 10-15% -ға дейін болады. Кен орнының қанаттары 15-20 м қалыңдықта бос түзілімдермен жабылған. [1]

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5