Құрманғали Мұхаметқалиұлы Малаев

Уикипедия — ашық энциклопедиясынан алынған мәлімет
Jump to navigation Jump to search
Құрманғали Малаев жасаған күбі

Құрманғали Мұхаметқалиұлы Малаев (4.3.1938, Алматы) — суретші, қолөнер шебері.

Алматы көркемсурет училищесін, Мәскеу технологиялық институтының қолданбалы өнер факултетін бітірген.

Малаевтың қайың, үйеңкі, алма ағашынан жасаған күбі, ағаш ожау, өрнекті ағаш шара, оюлы тостаған, той табақ, оюлы әбдіре, сандық сияқты үй жиһаздары мен мөлтек жазулы қыш құмыра, сондай-ақ алтын алқа, күміс сырға, сақина, жүзік, білезік, қапсырма сынды қолөнер, т.б. зергерлік бұйымдары қанық бояулы ұлттық нақышымен, дәстүрлі философиялық, көркемдік эстетикалық танымды білдіретін тарихи сабақтастығымен ерекшеленеді. Малаев жасаған бұйымдар Алматыдағы Орталық мұражай, Өнер мұражайы, Әскерилер үйі, Астана қаласындағы Президент мәдениет орталығы алтын қорынан орын алған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8