Майқайың алтын кен орны

Майқайың Алтын Кені

Майқайың Алтын Кені, Павлодар облысы Баянауыл ауданынан солтүстікке қарай 45 км жерде орналасқан. Кен орны туралы алғашқы мәлімет 1895 жылдан белгілі. 1914 ж. мұнда алтынмен бірге мыс өндіруге болатындығы анықталды. 1915 жылдан бастап ағылшындар, тотыққан Майқайың Алтын Кенінен мыс кентасын өндіре бастады. Барлау және іздеу жұмыстары 1926 жылдан жүргізіліп келеді. Мұнда, негізінен, 9 кенді телім (Май-қайың А, В; С, Д, Е, ұ, Кіші Майқайың, Үлкен Май-қайың, Жаңа желі) бар. Бұлардың ішінде қоры жөнінен ең ірісі — “Майқайың В” телімі. Бұл телімдегі 8 кен денесінің қоры балансқа алынған. Кеннің линза пішінді кен денелері солтүстік-батысқа қарай 80 — 90Ә-тан (жоғарыда) 35 — 55Ә-қа дейінгі (төменде) бұрыштар жасайды. Тотығу белдемінің тереңдігі 30 м-дей, сеппе, тұтас типтердегі кентастар, барит-полиметалл, полиметалл, колчедан-полиметалл, барит, күкірт-колчедан құрамды болып келеді.

Басты кентас минералдары —

• пирит
• сфалерит
• халькопирит
• саф алтын
• ковеллин
• күміс
• куприт
• малахит
• өңсіз кентастар
• аргентит
• борнит.

Басты металдары мен пайдалы құраушылары —

• алтын
• күміс
• мыс
• мырыш
• қорғасын
• күкірт
• барит;

қосымшалары —

• андий
• селен
• теллур
• кадмий
• таллий
• германий

Пайдаланған әдебиет

• Қазақ энциклопедиясы