Ақсу (өзен, Жетісу облысы)

Ақсу өзені
Сипаттамасы
Ұзындығы	316 км
Су алабының ауданы	5040 км²
Су алабы	Іле өзені
Су ағысы
Бастауы	Жетісу Алатауындағы мұздықтар
• Координаттары	45°00′24″ с. е. 79°41′33″ ш. б.45.00667° с. е. 79.69250° ш. б. / 45.00667; 79.69250
Сағасы	Балқаш көлі
• Координаттары	46°19′24″ с. е. 78°10′28″ ш. б.46.32333° с. е. 78.17444° ш. б. / 46.32333; 78.17444
Орналасуы
Ел	Қазақстан
Аймақ	Жетісу облысы Ақсу, Алакөл аудандары

Ақсу – Жетісу облысы Ақсу, Алакөл аудандарындағы өзен. Ұзынды-қысқалы 132 саласы бар. Ақсудың ұзындығы 316 км, су жинау алабы 5040 км².

Бастауы

Жетісу Алатауы ның 4000 м. биіктікте орналасқан мұздықтарынан бастау алып, Балқаш көліне құяды.

Гидрологиясы

Көпжылдық орташа су шығыны Жансүгіров ауылы тұсында 11,2 м³/сек. Өзен жоғарғы ағысында тауаралық Қапал аңғарын кесіп өтіп, жазыққа шыққан соң көптеген саяз тармақтар мен арналарға бөлініп кетеді. Төменгі ағысында тарамдар, өзектер, көлдер мен батпақтар құрай отырып, Балқаш маңы жазығын кесіп өтеді. Өзен алабының мұз құрсану аумағы 139 км², көлемі 0,77 км³ болатын 162 мұздық бар. Негізгі салалары: Сарқан, Қожамберді өзендері. Ақсу шаруашылыққа пайдалануға байланысты суы көктем мен жазда тасиды, осы кезеңде жылдық ағындысының 80%-і өтеді. Суы тұшы, минералдылығы 0,2-1,5 г/л аралығында ауытқиды. Минералдары химиялық құрамы жағынан гидрокарбонат класының кальций және магний тобына жатады. Суы егін, мал суаруға және техн. қажеттіліктерге пайдаланылады.