Есік қаласы

Есік қаласы — Еңбекшіқазақ ауданының орталығы, қала. Іле Алатауының солтүстік баурайында, теңіз деңтейінен 935-1040 м биіктікте, Есік өзенінің ысырынды конусында орналасқан. Тұрғыны 31,3 мың адам (2002). Халқының басым көпшілігі қазақ (45%), одан басқа орыс (26%), түрік (5,4%), т.б. ұлт екілдері тұрады. Есік қаласының орнын адамдар өте ертеден мекендеген. Қаланың солтүстік жағьщдағы сақ мәдениетінің б.з.б. 5-4 ғ-лардағы аса көрнекті ескерткіші — Есік обасы орналасқан. 1854 ж. Бұл көне қоныс орнында Надеждинск станицасы қаланды. 1923 жылдан ол Есік станицасы болып аталды. 1968 ж. қала статусын алды. Қалада "Көктем", "Есікшарап зауыты", "Дионис", "Елее", "Фудмастер", "Голд Продукт" сияқты ірі көсіпорындар орна-ласқан. Одан басқа құрылыс, көлік, т.б. мекемелер мен шағын өндірістік кәсіпорындар бар. Есікте жалпы білім беретін 9 мектеп, педагогика колледж, біріккен қазақ-түрік лицейі, мәдениет үйлері, кинотеатрлар, клуб, ауданы аурухана, емхана, дәріханалар, т.б. бар. Қаладан оңтүстікке қарай 17 км жердегі әсем тау шатқалында демалыс және туризм аймағы саналатын Есік көлі орналасқан.^[1]