Әһл әс-Сунна

Әһл әс-Cунна (араб.: أهل السنة و الجماعة‎, Сүннет адамдары) — Сүннетке мойынсұнып, оны қолдап-қуаттаушы сунниттер тобының атауы. Сүннет — шариғат заңдарының қайнар көзі. Ол Мұхаммедтің іс-әрекеттері мен айтқан өсиет, тұжырымдарынан тұрады. Әһл әс-Суннаның негізгі сипаттары: алғашқы төрт халифаны мойындау (Әбу Бәкр, Омар, Осман ибн Аффан, Әли ибн Әбу Талиб), алты хадистер жиынтығын мойындау (Сахих әл-Бұхари, Сахих Муслим, Сунан Әбу Дәуд, Жамиғ әт-Тирмизи, әс-Сунан әс-Суғра, Сунан Ибн Маджаһ) және негізгі төрт сунни мазһабтың (фиқһ мектебі) біріне тиістілігі (малики, ханафи, ханбали және шафиғи мазһабы). Әһл әс-Суннаға жататындар Иран мен Ирактан өзге (бұл екі елде шииттер саны басым) мұсылман елдерінің бәрінде басым. Қазақ халқы да Сүннетті мойындаушыларға, яғни Әһл әс-Суннаға жатады.

Анықтамасы

Құран Кәрімді және Мұхаммед пайғамбардың сахих хадистерін, сондай-ақ оның артынан ерген сахабаларының дін, сенім мәселе­сіндегі ұстанымдарын басшылыққа алатындар суннилер немесе әһлу-ссунна уәл-джама′а (Сүннет пен қауым бірлігінің адамдары) деп аталады.

Осыған байланысты сүннет сөзі бүкіл мұсылман қауымын қамтитын өте ауқымды ұғым болып табылады. Бұл атаудың шығу тегіне байла­нысты ислами әдебиеттерде Мұхаммед пайғамбардың «Менің артымнан ерген үмметім жетпіс үш тармаққа бөлініп кетеді. Біреуінен басқасы тозаққа кіреді» деген сөзі клген. Сол кезде қасында болған сахабалар тозақтан құтылатын қай топ деп сұрағанда Аллаһ елшісі елшісі «ол топ менің артымнан ерген және менің артымнан ергендердің соңынан жүргендер» деген хадисіне сілтеме береді. Осы құтылған топты немесе жамағатты «Әһл әс-Cунна уәл-Джама′а» деп айтады.