Ислам порталы
بوابة الإسلام
Ислам туралы 556 мақала бар.
Қош келдіңіз
Ислам (араб.: الإسلام — Аллаға мойынсұну, бағыныштық) — дүние жүзілік діндердің ішінде ең кеш шыққан жас дін. Ислам діні біздің заманымыздың VII ғасырының басында Арабия түбегінде пайда болды. Ол жер шарының барынша көп тараған діндерінің қатарына жатады. Исламды 1,2 миллиардтан астам адам ұстанады. Мұсылман қоғамдастығы 120 елден астам жерде бар. ХХ ғасырда мұсылмандар саны 7 есеге артты.
Ислам діні Аллахтан Жәбірейіл періште арқылы — Мұхаммед пайғамбарға (Аллахтың оған игілігі мен сәлемі болсын) (570-632 жж.) болып табылады. Исламның басты қасиетті кітабы — Құран (араб.: أَلْقُرآن — оқу, көп оқылатын кітап деген мағына береді) болып табылады, онда Аллах Тағаланың адамзат баласына ақ пен қараның, надандық пен адамдықтың ара жігін ажырату үшін белгілеген өмір сүру тәртібі көрсетілген. Құраннан кейін Ислам дінінің екінші қайнар көзі Сүннет (исламның қасиетті хикаялары, дәстүрлері, мысалы) — Мұхаммед пайғамбардың әрекеттері мен сөздері әңгіме түрінде (хадис) берілген.
|
Рамадан (араб.: رمضان) немесе Рамазан — Хижра күнтізбесінің тоғызыншы айы. Бұл айда мұсылман бір ай бойы ораза тұтады. Яғни, таң сәреден күн батқанша ішіп-жеуден, жыныстық қатынасқа барудан, түрлі жаманшылық атаулыдан өзін пәк ұстап, күнә істерді тоқтатады. Рамазан сөзі «күйдіру, өшіру» деген. Яғни, өткен күнәларды күйдіріп, өшіруші деген мағына білдіреді. Рамазан айындағы амалдар:
Ораза. Бұл айда орындалатын ең басты діни амал ауыз бекіту — ораза боп саналады. Рамазандағы ауыз бекіту ислам дінінің бес парызының бірі боп табылып, бүкіл әлем мұсылмандарымен жыл сайын орындалып отырады. Бұл парыздың маңыздылығы соншалық, кейде ауыз бекіту амалын Рамазан деп атауға дейін барады. Бірақ Рамазан — ай аты болса, ауыз бекіту парызы — қазақша ораза (арабша саум) деп аталады.
Қадыр түні. Қадыр түні (Ляйлат аль-Қадр) Құранның бірінші аяты Мұхаммед пайғамбарға түскен түн боп саналады. Айдың нақты қай түні екені белгісіз болғанмен, рамазанның соңғы он түнінің бірі болып есептеледі.
(толығырақ)
|
- Қазақстанда биылдан бастап жастардың тегін жоғары діни білім алуларына жағдай жасалып отыр. Білім министрлігі «Нұр-Мубарак» университетінде оқуға ниет білдірген жастарға алғаш грант бөлді. Басты назарда - өңірлерге білімді имамдар әзірлеу. . Толығырақ
- Журналистерге ашық-шашық киюіне тыйым салынды Өзбекстанның мемлекеттік телеарнасының басшылығы ұжымда қызмет істейтін әйел-қыздарға жұмысқа қысқа юбка киіп келуіне қатаң тыйым салды. Сондай-ақ, нәзік жандар көзге түсетіндей ашық және денесі көрінетіндей киюіне де болмайды. Бұл жөнінде «CA-NEWS» агенттігі тәуелсіз «Харакат» басылымына сілтеме жасай отырып хабарлады. Толығырақ
|
Таңдаулы мақалалар
Жақсы мақалалар
|
Мұхаммед (араб.: محمد, 570, Мекке — 632 маусымның 8, Мәдине) — Исламды бізге толық түрде жеткізген пайғамбар, Мекке қаласында туылған, құрайыш тайпасынан шыққан. Аллаһтың соңғы елшісі, тура дінді насихаттаушы, әділеттің көркем мінезділіктің нышаны және үлгісі боп табылады. Бұған қоса – соңғы пайғамбар‚ Мұсылмандар түсінігінде тек арабтардың пайғамбары ғана емес, жалпы адамзатқа келген биік адамгершілік, ахлақтық ғибраттың үлгісі.
Пайғамбарлық 40 жасында келген. 63 жасында қайтыс болған. Мұхаммед есімі «Мақталатын», «Мақтауға лайықты» деген мағынаны білідіреді. Исламда Мұхаммед басқа да Нәби (Пайғамбар) және Расул, Мустафа, Маһмуд, Башир (Елші), Надир (Ескертуші), Мудаккир (Еске салушы), Шахид (Куә), Да'и (Аллаһқа жақындатушы) есімдерімен белгілі. Құранда Мұхаммед кейде «Ахмад» деп те аталады. (61:6 сүресі) (араб.: أحمد)
Мұхаммед пайғамбардың аты аталғаннан кейін немесе жазылғаннан кейін артынша әрдайым «Салла Ллаху алейхи уа салләм» (араб.: صلى الله عليه وسلم) — яғни, Аллаһтың игілігі мен сәлемі болсын» деп айтылады.
(толығырақ)
|
"Ал, Әнас (р.а.): «Алла елшісінен (с.ғ.с.) «Рамазаннан кейін қандай ораза маңызды?» - деп сұрағанда, ол: «Рамазанға құрмет ретінде шағбан айында ұсталған ораза»,«Қай садақа абзал?», - дегенде, «Рамазан айында берілген садақа», - деп жауап берген»."
— Тирмизи, Зекет, 28 Ибрахим Жанан, Кутуб әс-Ситта, аудармасы, 9/66
|
"Әй мүміндер! Табыстарыңның және сендер үшін жерден шығарған нәрселеріміздің жақсыларынан, тиісті орынға жұмсаңдар. Ал және өздерің көздеріңді жұмып әрең ғана алатын сапасыз нәрсені Алла жолында беруді ойламаңдар. Біліңдер, Алла бай, мақтаулы."
— Бақара сүресі, 267-аят
"Сендер Кітаптың жартысына сеніп жартысына сенбейсіңдер ме, егер де кім бұлай істесе онда дүние тіршілігінде қорлық әрі ахиретте зор азапқа ұшырайды." Әл-Бақара сүресі 83-аят.
|
|
