Афалина

Уикипедия — ашық энциклопедиясынан алынған мәлімет
Jump to navigation Jump to search
Афалина
Tursiops truncatus 01-cropped.jpg
Bottlenose dolphin size.svg
Амандық күйі
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Киттәрізділер
Тұқымдасы: Дельфин
Тегі: Tursiops
Түрі: T. truncatus
Кіші түрі: *T.t.truncatus
  • T.t.poncticus
Екі-есімді атауы
Tursiops truncatus
(Montagu, 1821)
Cypron-Range Tursiops truncatus.svg

Афалина немесе Атлант дельфині, Тұмсықты Атлант (лат. Tursiops truncatus) — сүтқоректілер классының киттәрізділер отрядына жататын дельфин. Атлант мұхитында тіршілік етеді.

Афалина 3,7 метрге дейін өседі, 635 келіге дейін салмақ қоса алады. Төбесіндегі бір танау тесігі болады. Төрт – бесеуден бірігіп, үйір болып жүреді. Белгі беру үшін күрделі дыбыстарды пайдаланады, яғни эхолокация аппараты жақсы дамыған. Афалинаның дене пішіні – сүйір, басы – жұмыр, түмсығы алға қарай шығыңқы, арқасында орақ тәрізді биік қанаты болады. Жүзу қанаты жалпақ, сәл қисықтау біткен. Терісі серпімді келеді. Афалина қорегін, негізінен, судың беткі қабатынан аулайды. Күніне 8- 15 келі балық жейді. Орта есеппен 25-тен 50 жылға дейін өмір сүреді.

Атлант дельфинінің терісі сырғақ келеді. Арқа тұсының терісі - сұр түсті, ішкі жағы - ақшыл, кейде алқызыл түсті болады. Оның тістері - өткір әрі үшкір. Бұл дельфинді әлемнің тропиктік және қоңыржай белдеулердегі сулардан кездестіруге болады. Көпшілігі теңіз жағалауына жақын жүреді. Сондай-ақ олар шығанақтарды да мекендейді. Атлант дельфинінің ұрпағы анасының жанында 3 жылға дейін жүреді. Балық, шаянтәрізділер, кальмар, сегізаяқтармен қоректенеді. Ең сүйікті қорегі - кальмар мен балықтар. Жалғыз танау тесігі төбесінде орналасқан, дельфиндер оқтын-оқтын су бетіне көтеріліп, осы тесік арқылы ауамен тыныс алады. Шамамен 2 минуттай тыныс алса, соның өзі біраз уақыт су астында жүруіне жеткілікті. Бұл дельфинді Солтүстік Каролина, Оңтүстік Флорида және Батыс Мексика шығанағындағы ішкі сулар мен жағалаулардан жиі кездестіруге болады. Тұмсықты Атлант дельфині үйір болып тіршілік етеді. Саны 100-ден асқан үйірін "үлкен шоғыр" деп те атайды. Бұл дельфиндер 300 м тереңдікке сүңги алады және су бтінде 6 м биіктікке дейін шоршиды.

Дереккөздер[өңдеу]

  1. Hammond, P.S.; Bearzi, G.; Bjørge, A.; Forney, K.A.; Karkzmarski, L.; Kasuya, T.; Perrin, W.F.; Scott, M.D.; Wang, J.Y.; Wells, R.S.; Wilson, B. (2012). "Tursiops truncatus". IUCN Red List of Threatened Species (IUCN) 2012: e.T22563A17347397. doi:10.2305/IUCN.UK.2012.RLTS.T22563A17347397.en.