Гвинн Шотвелл

Уикипедия — ашық энциклопедиясынан алынған мәлімет
Jump to navigation Jump to search
Гвинн Шотвелл
ағылш. Gwynne Shotwell
Гвинн Шотвелл CRS-2 (KSC-2013-1704) миссиясына арналған брифингте
Гвинн Шотвелл CRS-2 (KSC-2013-1704) миссиясына арналған брифингте
Туған кездегі есімі

Гвинн Роули (ағылш. Gwynne Rowley)

Туған күні

23 қараша 1963 (1963-11-23) (57 жас)

Туған жері

Эванстон[1], Иллинойс, АҚШ

Азаматтығы

 АҚШ

Қызметі

SpaceX корпорациясының президенті және бас атқарушы директоры, инженер, кәсіпкер

Балалары

2[2]

Гвинн Шотвелл (ағылш. Gwynne Shotwell; 23 қараша 1963 жыл, Эванстон[1], Иллинойс, АҚШ) - американдық кәсіпкер және инженер. Америкалық авиағарыштық SpaceX корпорациясының президенті және бас атқарушы директоры[3]. 2020 жылдың 10 желтоқсанында Forbes журналының нұсқасы бойынша әлемдегі ең ықпалды әйелдер арасында 49-шы орында.[4] Time журналының нұсқасы бойынша Гвинн 2020 жылдың ең ықпалды 100 адамының ішіне кірді.[5]

Өмірбаян[өңдеу]

Гвинн Шотвелл 1963 жылы 23 қарашада Чикагодан солтүстікке қарай 65 шақырым жерде Иллинойс штатының Эванстон[1] қалашығында, нейрохирург және суретші отбасында, үш қыздың екіншісі болып дүниеге келген. Балалық шағы Чикаго маңындағы Либертивилл қаласында өтті. Жоғары сыныптарда ол құрастырғанды ұнататын - әкесіне қала маңындағы отбасылық бақтың қоршауын салуға, фанерадан баскетбол қалқанын жасауға көмектесті[6]. Солтүстік-Батыс университетінде механикалық инженерия және қолданбалы математика мамандықтары бойынша бакалавр және магистр дәрежелерін алды[7].

Кәсіби мансабы[өңдеу]

Бастапқыда Шотвелл автокөлік өнеркәсібінде жұмыс істеуді жоспарлап, Chrysler корпорациясының менеджерлерді даярлау бағдарламасына тіркелді, бірақ өз саласына жақын практикалық инженерлік салада жұмыс жасағысы келді[8], оның үстіне Шотвелл бұл өнеркәсіпте қалуды қаламады[7].

1988 жылы ол The Aerospace Corporation компаниясының Эль-Сегундо ғылыми-зерттеу орталығында жұмыс істей бастады және әскери ғылыми-зерттеу келісімшарттары бойынша техникалық жұмыс жасады. Он жыл бойғы жұмыс уақытының ішінде ол жылуды талдау саласында жұмыс істеді және "әртүрлі тақырыптар бойынша ондаған мақалалар жазды, соның ішінде шағын ғарыш аппараттарын концептуалды жобалау, нысандардың цифрлық модельдерін модельдеу, қайта пайдаланылатын аппараттар үшін ғарыш кемесі мен операциялық тәуекелдерді интеграциялау"[7].

"Ғарыш кемелерін тұрғызу және құрастыру" мақсатымен, Эль-Сегундо қаласында орналасқан, зымыран құрастырумен айналысатын, аз бюджетті Microcosm Inc компаниясына "ғарыш жүйелері бөлімшесінің директоры" болу үшін, 1998 жылы Aerospace Corporation-нан шығады[7]. Онда ол атқарушы комитетте жұмыс істеп, бизнесті дамытуға жауапты болды.

2002 жылы Гвинн Шотвелл, бұрын Microcosm-да инженер болып жұмыс істеген Ганс Кенигсманның (Hans Koenigsmann) шақыруымен, сол жылы Илон Маск құрған SpaceX жеке ғарыш компаниясына жұмысқа ауысты. Шотвелл осы компанияның жетінші қызметкері болды — бизнесті дамыту жөніндегі вице-президент[9]. Ол шамамен 5 миллиард АҚШ долларын құрайтын 50-ге жуық Falcon зымырандарын ұшыру туралы келісімшартқа қол қойды. 2017 жылғы жағдай бойынша ол SpaceX-тің президенті және бас атқарушы директоры болып табылады, ағымдағы операциялар және клиенттермен барлық байланыстарды басқару және компанияның даму стратегиялары үшін жауапты болып табылады[10].

Бүтін салада инновациялық және серпінді бола отырып, SpaceX 2010 жылдың желтоқсанында ғарыш кемесін орбитаға сәтті шығарып және қайтарған алғашқы жекеменшік компания болды[11]. Ол сондай-ақ Халықаралық ғарыш станциясына ғарышкерлерді жеткізу үшін NASA-мен бірнеше миллиардтық келісімшартқа ие. SpaceX сонымен қатар жақын арада адамдарды Марсқа жеткізуге арналған келесі буын транспорт жүйесімен жұмыс жасауда.

2019 жылғы 6 ақпанда Polaris Industries Шотвеллдің директорлар кеңесіне 2019 жылдың 1 наурызында кіретінін жариялады.[12]

Шотвелл STEAM-ға байланысты әртүрлі бағдарламаларға қатысады, соның ішінде Фрэнк Дж. Редд (ағылш. Frank J. Redd) атындағы студенттік шәкіртақы конкурсына да. Оның басшылығымен комитет 6 жыл ішінде стипендия ретінде 350 000 доллардан астам қаражат жинады[10].

Жетістіктері мен марапаттары[өңдеу]

  • 2017: Satellite Executive of the Year 2017[15]
  • 2018: Forbes' America's Top 50 Women In Tech.[16]
  • 2020: Times' 100 most influential people[17]

Қоғаммен байланыс[өңдеу]

2013 жылдың маусымында Шотвелл TEDxChapmanU-да ғылым, технология, инженерия және математиканың маңыздылығы туралы TEDx-те баяндама жасады[18]. Ол үнемі бизнес аудиториялардың алдында сөз сөйлейді және 2014 жылдың маусым айында Брент Скукрофттың халықаралық қауіпсіздік орталығындағы "өнеркәсіп капитандары" сериясына жеке кәсіпкерліктің ғарыштық ұшу технологияларын дамытудағы жетістіктері туралы баяндама жасады.[13]

2018 жылғы TED конференциясында Шотвелл Крис Андерсонға SpaceX-тің болашақ жоспарлары туралы сұхбат берді.[19]

2018 жылдың 28 қыркүйегінде Грейс Хоппердің есептеу техникасындағы әйелдер салтанатында Шотвеллдің сөзі "біздің болашағымыздың іске қосылуы" деп аталды және ол аэроғарыштық технологиялар саласындағы көзқарасы мен жетістіктері туралы, сонымен қатар әйелдердің жан-жақты болуы мен қоғамда орын алуы адамзаттың дамуына не үшін қажет екендігі туралы айтты.[20]

Дереккөздер[өңдеу]

  1. a b c Jenny Hontz Rocket Ma’am  (ағыл.). Northwestern University. Тексерілді, 11 желтоқсан 2020.
  2. Ms. Gwynne Shotwell
  3. Gwynne Shotwell: Executive Profile & Biography, New York: Bloomberg (December 1, 2011). Тексерілді 1 желтоқсанның 2011.
  4. The World's 100 Most Powerful Women. Forbes. Тексерілді, 10 желтоқсан 2020.
  5. Gwynne Shotwell: The 100 Most Influential People of 2020.
  6. Max Chafkin, Dana Hull SpaceX’s Secret Weapon Is Gwynne Shotwell  (ағыл.). Bloomberg Businessweek. Тексерілді, 29 шілде 2018.
  7. a b c d Hennigan, W.J.. How I Made It: SpaceX exec Gwynne Shotwell (June 7, 2013). Тексерілді 10 маусымның 2013.
  8. It all Started with a Suit: The Story Behind Shotwell’s Rise to SpaceX, Via Satellite (21 April 2014). Тексерілді 20 сәуірдің 2017.
  9. Ms. Gwynne Shotwell  (ағыл.). National Aeronautics and Space Administration (June 16, 2020).
  10. a b SpaceX AsiaSat8 Launch Press Kit, August 2014, pp. 15, https://spaceflightnow.com/falcon9/011/presskit.pdf 
  11. Business, Jackie Wattles, CNN SpaceX and NASA launch Crew Dragon in Florida: Live updates  (ағыл.) (May 30, 2020).
  12. Gwynne Shotwell Appointed to Polaris Industries Inc. Board of Directors. Polaris Industries.
  13. a b Discussion with Gwynne Shotwell, President and COO, SpaceX
  14. Women in Technology Hall of Fame. GWYNNE SHOTWELL.
  15. 2017 Satellite Executive of the Year: Gwynne Shotwell, President and COO, SpaceX.
  16. Gwynne Shotwell. Forbes.
  17. Gwynne Shotwell: The 100 Most Influential People of 2020.
  18. Engineering America: Gwynne Shotwell at TEDxChapmanU. TEDx Talks. Тексерілді, 20 қаңтар 2015.
  19. TED (May 14, 2018), SpaceX's plan to fly you across the globe in 30 minutes | Gwynne Shotwell, https://www.youtube.com/watch?v=Dar8P3r7GYA, retrieved May 16, 2018 
  20. GHC (December 17, 2018), Gwynne Shotwell — Launching Our Future | Gwynne Shotwell, https://www.youtube.com/watch?v=X1mp1j0ef8c, retrieved March 24, 2019